再戰石垣 Part I 西表島浮潛+夜釣

2019-09-27 & 28 香港 → 石垣 → 西表島

再次光臨，感動萬分

今次旅程遇到好多好人好事，就算遇上颱風都無阻我哋嘅心情，令今次旅程劃上完滿句號。

同上次一樣落機就去碼頭食晏，今次無食漢堡而係走咗去公設市場附近嘅Banana Cafe，其實只係响Family Mart買完帶入西表嘅用品/食品就隨機搵下附近有咩餐廳想食就入去食，午餐有好幾款但我哋都只係要咗三文治，一份煙三文魚忌廉芝士三文治同一份厚切巴馬火腿三文治，套餐配有沙律或湯，我哋就因為行到好熱兩份都要晒沙律，其實都係生菜加啲沙律醋簡單又清新，而三文治就各有風味味道唔錯，唔好問我其他嘢好唔好食，但三文治就不錯吃。