王家飯館 Wong's Kitchen: 便當手帳

顯示包含「便當手帳」標籤的文章。顯示所有文章

當手忙腳亂的時候

以前做便當都係以多菜少肉為主，但近排開始留意王大少便當嘅糖、蛋白質及殿粉質比例，想佢食得健康又好味真係每朝嘅挑戰。有時4個爐頭一齊開都未必應付到早餐+便當嘅製作，响分身不下的情況都要諗下加入焗爐、蒸爐菜式平衡一下。

材料：
雞脾菇 2隻(約150克)
白芝麻少許

調味：
蜜糖 1茶匙
(最好選用可入爐蜜糖)
醬油 1茶匙
蠔油 1湯匙
麻油 1茶匙

烹調：

雞脾菇洗淨後斜切片
焗盤放上焗爐紙後平均放上雞脾菇片
調味拌勻後平均掃上雞脾菇片上，回兩至三次
放入亞拉丁焗爐以180度烤7分鐘至菇面乾身
取出再掃上醬油後灑上芝麻再入焗爐烤焗3分鐘芝麻轉色即可

*如用其他焗爐要先預熱焗爐再以180度焗大約10-15分鐘(各個品牌爐溫會有差別，要自行留意)

*步驟5可考慮焗3-5分鐘至芝麻轉色即可

🌻喜歡請比👍Like👍（多謝咗先，我會繼續💪）

🌻歡迎各位分享、讚好及追蹤【王家飯館】的網頁、Facebook、Instagram、YouTube

google.com, pub-3073176370794589, DIRECT, f08c47fec0942fa0

食咗兩啖王大少就話要Encore

王大少想食咗好耐，但係呢排就好少整呢類菜式，次次都係應咗佢就算，今次同王大少一齊買餸，佢聽到我話要去買燒鴨就問長問短，開估時係由個心笑出嚟，真係為食!

通常我會買上裝起肉，因為會多肉啲，如果人少可以只係買隻肶就夠，因為一個上裝我哋兩個人都要分兩餐食。

今次用煎方式，煎好米粉後淋上醬汁連鍋上，食到尾都熱辣辣，食咗兩啖王大少就話要encore，仲話希望可以帶便當……見仲有材料第二日就整咗個濕版比佢，如果加埋芽菜、韭黃同少少辣椒絲仲惹味。

材料：
雪菜
米粉…1個
火鴨絲…100克
雪菜…50克
青椒切條…少許

調味：
雞粉…半茶匙
鹽…1/4茶匙
糖…1/4茶匙
蠔油…半茶匙
水…120ml
生粉(埋芡)…少許
麻油…少許後下

烹調：

燒鴨起肉切絲
青椒洗淨後去囊切絲
煮一鍋水滾後放入米粉，煮好後隔水放涼。如果未有即時烹調要先用濕布蓋好保持濕度(要睇下用邊隻米粉，如果用免煮米粉就放一盤水浸軟即可，要留意包裝上說明)
以中火預熱1茶匙油放入米粉，鋪好後轉小火煎香後反轉煎香另一面後上碟備用
以中火預熱1茶匙油後放入青椒及雪菜炒香，然後再加入調味料同埋水後轉中火煮滾後加入火鴨絲
滾起加入生粉水埋芡煮至濃稠
上碟前加入麻油拌勻後淋上米粉

可以煎香佢兩邊煎煎豆卜卜脆又或者煮好汁後加入米粉拌勻都可以
除此之外仲可以加入芽菜和韭黃同樣惹味

🌻喜歡請比👍Like👍（多謝咗先，我會繼續💪）

🌻歡迎各位分享、讚好及追蹤【王家飯館】的網頁、Facebook、Instagram、YouTube

海苔醬油麴吞拿魚炒蘿蔔

一切生活正常

當我仲食緊育成餐嘅同時，王大少都係三餐不缺，我一樣會煮番正常嘅飯餸比大少，其實係有提出同我一齊食育成早、晚餐，不過而家嘅王大少已經食少咗，唔想再難為佢啦!

每一日佢都會好關心我嘅情況，又問需唔需要買定啲餅乾，都算係暖男?錯，只係知道今次計劃背後嘅原因係因為佢…內疚?似係喇!!計劃嘅第一日中午打比我話週末同我去行街街，等我買過啲衫喎。哼!唔要呀!

15分鐘就可以完成嘅菜色

啱啱完成第一個育成計劃餐後都唔可以亂食嘢，呢個菜都係用蘿蔔同吞拿魚做，蘿蔔超入味但又唔會太腍，味道唔錯。

材料：
白蘿蔔 150克
吞拿魚 1罐(約70克)
菜油 1茶匙
水 30毫升
海苔粉* 2茶匙

*可選擇性加入

調味：
醬油麴 1湯匙

烹調：

白蘿蔔刨皮後洗淨切成半圓片
吞拿魚瀝乾水份/油份
平底鍋以中火預熱菜油後放入白蘿蔔煎至半透明
加入吞拿魚拌炒
加入醬油麴拌勻
加入水後蓋上鍋蓋煮至水份收乾
灑上海苔粉拌勻即可

吞拿魚可用水浸或油浸

如用油浸吞拿魚可減少菜油份量

白蘿蔔要煎至出水後轉乾身後才可去除青澀味

🌻喜歡請比👍Like👍（多謝咗先，我會繼續💪）

🌻歡迎各位分享、讚好及追蹤我的網頁、Facebook、Instagram、YouTube

醬醃枝豆

枝豆多面睇

以前食枝豆都只係會去日本餐廳，試過响屋企學佢咁試做，不過王大少唔係咁鐘意，結果就練成今日嘅我!

用醬油煮其實仲好食、仲入味，就算有時未必買到日本枝豆都可以去街市買毛豆做，方法一樣但價錢不一樣。當然，日本枝豆係甜啲嘅!

材料：
枝豆 150克

調味：
醬油 1湯匙
味醂 1湯匙
水 30毫升

烹調：

枝豆洗淨後切去兩端
小鍋加入調味及枝豆後以中火煮約十分鐘即可

如用急凍枝豆要先解凍及縮短一半烹調時間
做便當怕食用時唔方便可以先去莢都可以，烹調方法相同但調味會將醬油及味醂減至各2茶匙
放便當時應先去掉汁液，否則會過咸

🌻歡迎各位分享、讚好及訂閱【王家飯館】網頁、Facebook、Instagram、YouTube

和風牛肉漢堡扒

酸酸甜甜，大人細路都鍾意

整好肉丸就幾時想食都可以，朝早只係煮個汁加埋肉丸煮十幾分鐘就食得，如果唔係一次個食晒就按份量煮汁，呢個汁除咗配肉丸外，仲可以配其他肉類，只要切成一口大小放入汁一齊煮就可以，想香口啲就煎一煎先加汁煮都可以。

材料：
牛絞肉 100克
豬絞肉 100克
雞蛋 1隻
甘筍 50克
麵包糠 30克
肉豆蔻少許
菜油 1茶匙

調味：
蕃茄醬 50亳升
白酒 50亳升
中濃醬 25亳升
糖 1湯匙

烹調

甘筍去皮洗淨
煮一鍋水放入甘筍煮7-8分鐘後瀝乾水份，放涼後切成微粒
牛絞肉、豬絞肉、雞蛋、麵包糠、肉豆蔻及甘筍粒充份拌勻後捏成球狀(約12粒)
平底鍋以中火預熱1茶匙油後放入絞肉球煎香兩邊後上碟備用；或噴上油預熱章魚小丸子盤烤至表面香脆
調味放入小鍋中以小火加熱至微微出煙後放入絞肉球煮10-15份鐘即可

肉丸煎烤時可不用全熟，只要表面香脆及定型即可
如不是即日食用，做好的肉丸可放冰箱冷藏到需要時才解凍
可選用全豬用、牛肉，加入雞肉也可

👍歡迎各位分享、讚好及追蹤我的網頁、Facebook、Instagram、YouTube

👍Facebook ：王家飯館

👍Instagram ：王家飯館 Wong's Kitchen

👍個人網頁 (食譜)： alicelalexw.blogspot.com

筑前煮

天氣轉涼要準備熱食了

朝早先煮都無問題，早一晚先切好所有材料，朝早只係放入小鍋煮十幾分鐘就有得食，味道好又健康。

要帶熱飯的話，我會用膳魔師，試過好多個牌子，做法相同但都係呢個最保溫，不過就要分幾個保溫盒就有點麻煩。(純用家分享，不是賣廣告)

筑前煮（日語：筑前煮／ちくぜんに），日文又稱がめ煮（がめに）、炒り鶏（いりどり）、筑前炊き（ちくぜんだき），是九州北部地方（主要是福岡縣舊筑前國區域，有時也泛指福岡縣全縣與佐賀縣）的代表性鄉土料理。(資料源自維基)