石垣第一旅 ~ Lulaliya 旅館住宿體驗

另類民宿體驗

由西表碼頭入旅館前先去食個晏先，原本諗住去邊銀食碗麵不過咁啱遇上星期日休息，只好四圍搵下有咩想食，星期日好多店舖都唔開最後入咗島料理あちまゆん叫咗個人氣牛肉麵同魚生丼都唔錯，海葡萄只要新鮮就好食，只係杯黑糖鮮奶咖啡味道有點怪，而且糖亦未完全溶解。整體嚟講食物唔錯，由於小店只得一人工作，所以大家等食物要耐心一點。

島料理あちまゆん
地址：〒907-0022 沖縄県石垣市字大川209-3 Kupuna Square 西
電話：+81 90-3790-2039

牛肉麵 ￥780

石垣第一旅 ~ 西表島浮潛試玩報告

比起石垣我更喜歡西表島嘅海底世界

入住民宿第二日就跟民宿船長出海浮潛，呢個一日團會去バラス島(由珊瑚礁石形成的海上沙洲，僅有在退潮時才會出現的幻之島)＆鳩間島，西表幻之島面積唔大但好少人去，船長仲會一組組咁放低我哋再幫手响遠近距離影相，感覺真係好似留落响荒島一樣，加上當日天氣非常好，見到嘅水都係玻璃水，真係好似去咗馬爾代夫個海咁。

石垣第一旅 ~ 海釣 試玩報告

大魚來了

雖然不是第在日本海岸釣魚，但今次是一個好好的體驗。由於行程安排出現問題，可能是人數不足吧!旅行社說是因為端午節要扒龍舟所有的航道也封鎖，不得不安排到別的日子，其實真係唔知道係咪真，因為無問過其他當地人所以不敢講係唔係真有其事，只係呢間旅行社有不實先例不由得心生懷疑。話說出發前王大少突然話想睇螢火蟲，我只可以臨時找這旅行社安排一下，由之前經驗都知道佢哋回覆唔算快，而且可以當日或之前一日先約都可以，咁我就等西表島返嚟先再決定，點知响西表島想參加螢火蟲參觀團時民宿主人話季節在月中已經過了，五月中已經結束了…咁點解呢間旅行團仲話有呢？咁又係，睇唔到都係我哋唔好彩啫，唔關旅行社事，邊個叫你夏天去睇極光，冬天去追午夜太陽呢？

名花之里（なばなの里）

值得朝聖嘅地方

名花之里（なばなの里）是日本最大型燈飾展，有條星光隧道可以影相打卡。每年十月到翌年5月開放燈飾，平時就只有花展。

園外有個好大嘅免費停車場，入場費¥4600 (連稅) HK$350【平均每人¥2300(HK$175)】，每張入場券包括兩張¥500代用券，可以响園內使用，包括响車仔檔買嘢食同玩機動設施，但我哋就用嚟入溫室參觀。

名古屋亂食、亂買十天自駕之旅 ~~ 第七天

Day 7：三重縣

日期：2019-01-23

可以自然醒真係一種福氣，王大少就成日都有呢種福氣。我就天未光醒咗，咁都好丫可以影下日出，睇住個天慢慢變光，個海面仲有一層輕煙，心情放空係都市人難得嘅時光。一個人靜靜哋都唔錯，多謝王大少比呢個機會我。

等王大少自然醒之後梳洗好就落樓食早餐，當然佢係會浸番次先肯出門口啦。

和菓子工作坊初體驗 ~ 生八つ橋

和菓子工作坊初體驗

想話去京都可以做吓金箔筷子、和菓子...樣漾都想試下，起初王大少唔係好願去做任何手作，但係諗嚟諗去又唔想做每樣嘢都只係得老公開心，所以就勉強去一次，但就有一個要求係唔可以太難整，最後就選擇做和菓子。

今次要做嘅和菓子地點响東京塔1樓，仲以為會有其他同學仔，點知成堂得我哋兩個，咁仲好導師可以睇實我哋呢兩個唔識日文嘅人。

入到去先會著件和式工作服，然後就睇一段十幾分鐘嘅片段，主要係介紹品牌歷史同製作過程，睇完段片後基礎粉團就蒸好，之後就會有張圖文並荗嘅單張加埋導師示範一步一步咁教你點做。

吃、喝、玩、樂 @ Six Senses Laamu Part 5

魚樂無窮

响酒店見到好多以前未親眼見過嘅海底世界，我哋JOIN咗個浮潛TOUR(SCHEDULED SNORKELING TRIP  1.5HR @USD65++ HKD507++)，不過如果你哋好似我咁游水唔叻又怕水就唔好參加喇!我落水唔夠5分鐘就要上返船，錯過咗好多欣賞海底世界嘅機會，仲好浪費金錢。

第一次深潛

我哋仲試咗深潛，我係第一次深潛，上水時老公問我有咩感覺，我真係好感動仲有啲想哭，好在老公即時安撫我先無失禮人前。我老公都有好幾年無潛過水，所以第一次潛水時導師唔想我哋分心，所以無帶Gopro落水，呢個亦都係一個可惜，因為第一次落水好靚仲遇到玻璃水，如果有帶機應該會影到好多靚景。第二次就去海中心潛12米左右，不過水無第一日清，如果可以的話應該BOOK朝早去潛水。

房間遇見

由於地理關係，每日朝早都會有海龜同魔鬼魚响Jetty 尾游過，而黃昏時亦會反方向游走，日日如是，我哋都見過幾次，不過影得唔清。

鰻魚

黃色雞泡魚

Black Fish

見過幾次鯊魚

我哋仲做咗一次按摩同SPA，兩樣都係值得讚(雖然價錢有點貴)。按摩係酒店送嘅；SPA就選咗佢哋Signature果隻(@USD295++ HKD2300++)

終於完成咗第一個BLOG，最後送上日出作為結尾。

希望日後可以整理好以往旅行嘅資料，再响呢度出POST同大家分享。😅

當夢想變成真 @SixSensesLaamu

吃、喝、玩、樂 @ Six Senses Laamu Part 1

吃、喝、玩、樂 @ Six Senses Laamu Part 2

吃、喝、玩、樂 @ Six Senses Laamu Part 3

吃、喝、玩、樂 @ Six Senses Laamu Part 4

🌻喜歡請比👍Like👍

🌻歡迎各位分享、讚好及訂閱【王家飯館】的網頁、Facebook、Instagram、YouTube

吃、喝、玩、樂 @ Six Senses Laamu Part 4

印度洋上的星空

今次夾啱中秋假期去馬爾代夫，但係月圓影星空都係一件唔容易嘅事，要夾啱時間等月亮開始下降先可以睇到滿天星。

 

就算唔能夠影到天清嘅星空，但係每隔十幾分鐘就睇到流星都係值得。

原本有計劃影星流跡，不過咁多日都比較多雲，留咗個遺憾。
咁係咪即係比我有多個藉口再去多次呢?

星期六去咗Wine & Dine Festival美酒佳餚巡禮，好彩早去到所以無咁多人，但係行到3、4點時已經好多人。當日都幾熱，又無咩地方可以休息，行完都好攰。

兩公婆都鐘意飲兩杯，不過今次無買到紅酒，反而買咗9支氣泡酒、8支清酒同3罐鴨肝醬。

因為無食晏就入去，諗住睇下有咩好食，一去到見到A區都係小食又唔太啱食就入咗去"拍住嘗"中伏，啲嘢食唔太吸引價錢又貴，不過一場入到去唔食就走?當時仲好肚餓，焗食。

呢個話係招牌菜The Blue Burger，味道一般不過就要HKD80。啤酒味道OK HKD50

吉列牛肉三文治 HKD120，完全食唔到吉列只係食到一口粉，牛肉無咩味，麵包係脆與淋之間，伏中之伏。

 食完再出去行，見到洲際酒店檸檬芝士蛋糕HKD49，外觀幾好，味道唔差。

我哋仲試咗黑白奶茶+蛋撻HKD30，奶茶好"鞋"，蛋撻唔熱。仲有日本蜜瓜HKD40一片同日本迷你紫薯HKD20大約6粒，蜜瓜幾甜但紫薯就有啲燶味。

我哋買咗2張入場券+2套HKD200套票，每套有8個品酒証同一個酒杯，仲有兩叠換領券，每套可以換到幾粒芝士，幾粒杏仁，幾粒雞粒，一包迷你薯條，兩塊餅干，一支水同一個鎖匙扣(不過咁早去都已經話派晒😓，响隔離果個女人仲好大聲話:咁早就無係咪唔想派呀!)

即場買咗11月11日响灣仔會展品酒入場券，HKD200買1送1仲送1隻杯，到時仲唔洗用品酒券試酒，想試邊支攞隻杯埋去就得，實際情況到時再同大家講。

當夢想變成真 @SixSensesLaamu

吃、喝、玩、樂 @ Six Senses Laamu Part 1

吃、喝、玩、樂 @ Six Senses Laamu Part 2

吃、喝、玩、樂 @ Six Senses Laamu Part 3

吃、喝、玩、樂 @ Six Senses Laamu Part 5

🌻喜歡請比👍Like👍

🌻歡迎各位分享、讚好及訂閱【王家飯館】的網頁、Facebook、Instagram、YouTube

吃、喝、玩、樂 @ Six Senses Laamu Part 3

日落、日出之間

學影相已有一段時間，但係都無時間同地方好好練習所以無咩把握可以做得好，亦知道有好多地方需要改進。的確，景靚就算技術有限都應該可以交到功課。(提供相片數值，但只供參考，都要試咗好多次先有部份影到)

Canon EOS 5D Mark IV TV 1/50 AV 10 ISO 100

日出

咁啱我哋間房係對住日出嘅，我只需要半夜起身出去front desk或者上去樓上觀星台影就可以。可能係時差嘅關係，每晚3、4點就自然醒(我嘅生理時鐘都好強，响外國成日都會半夜起身，就算去到第十日都係咁，都幾辛苦)，輕輕鬆鬆去準備腳架、相機，影住星空等日出都咪話唔寫意。

星空相會响下次再話你知!

Canon EOS 5D Mark IV TV 1.3 AV 10 ISO 12800

Canon EOS 5D Mark IV TV1/40 AV 10 ISO 8000

Canon EOS 5D Mark IV TV 1/40 AV 10 ISO 2000

Canon EOS 5D Mark IV TV 1/30 AV 10 ISO 800

Canon EOS 5D Mark IV TV 1/30 AV 10 ISO 125

HDR

HDR

日落

個人覺得日落靚位响Chill Bar，我哋都有好幾日去影日落。叫杯嘢飲坐响梳化/網床去睇真係超爽!

Canon EOS 5D Mark IV TV 1/60 AV 22 ISO 320

Canon EOS 5D Mark IV TV 1/100 AV 8 ISO 500

Canon EOS 5D Mark IV TV 1/60 AV 8 ISO 200

Canon EOS 5D Mark IV TV 1/80 AV 8 ISO 400

Canon EOS 5D Mark IV HDR

Canon EOS 5D Mark IV HDR

Canon EOS 5D Mark IV HDR

當夢想變成真 @SixSensesLaamu

吃、喝、玩、樂 @ Six Senses Laamu Part 1

吃、喝、玩、樂 @ Six Senses Laamu Part 2

吃、喝、玩、樂 @ Six Senses Laamu Part 4

吃、喝、玩、樂 @ Six Senses Laamu Part 5

🌻喜歡請比👍Like👍

🌻歡迎各位分享、讚好及訂閱【王家飯館】的網頁、Facebook、Instagram、YouTube

吃、喝、玩、樂 @ Six Senses Laamu Part 2

看到新生命的誕生

出發前响IG知道酒店有海龜準備出世，當然有問過酒店大約幾時會出生，酒店都唔會有肯定答案但都有透露會有好大機會見到。都明白到同天氣有關而非人力可控制嘅事只能自求多褔!

呢個機會真係唔係咁容易遇到，有咁嘅機會當然唔會放過啦。一到步就同GEM報名(酒店有個通報服務)，但係都有啲唔放心再到Reception報多次名，其中有一欄係要選擇時間嘅，如果出生時間响晚上10點後直到天光都唔會通知(時間唔太肯定)；而另一欄係任何時間都通知客人。我哋當然係選擇後者啦!

零晨4點電話响起...係喇!係喇!...一定係喇!老公收線後第一時間跳起話我知响86號沙灘屋，仲有15分鐘就會開閘放龜...出發!


由#22Water Villa去#86沙灘屋路程都幾遠，加上太心急嘅關係一路上覺得個心好似要跳出嚟咁，去到發覺有好多人都响度等緊，經過一輪簡介後大家都靜心等待。
我哋唔可以直接用光照射，酒店職員會派發紅布比大家遮住燈光，同時紅色光會為海龜帶領方向嘅作用。

黃昏海釣
一早就鎖定要出海釣魚，一直都諗緊日釣定黃昏但係直到最後都係選擇咗黃昏海釣，呢個活動兩個半鐘，收費@USD 125++(HKD975)，另一個係四個鐘釣早魚，由6點半到10點半，收費@USD200++(HKD1560)。因為成個行程只係兩個半鐘，對於一個唔喜歡釣魚嘅男人係一個能接受嘅活動。

鰭魚

老虎班 (不過呢條係受保護品種，影完相就放生喇)

我哋只係要條鰭魚，因為好大條可以一半烤、一半炸(加工費全免)，唔好以為免費就會求其，我哋選擇咗一個跟飯另一個跟菜，仲有其他選擇不過唔記得咗😛
條魚相當味美就連唔食魚嘅男人都食得津津有味!就係因為咁大份，我哋個午餐無點其他嘢(又一次提起心痛事😭)

睇住一隻隻海龜游入大海真係好感動，個巢有67隻海龜出咗世，但係睇咗個幾鐘都只係見到十幾隻游落海，其餘幾十隻好似仲未瞓醒，好多客人見到再無動靜就離開，我哋就問過話會等天光睇下會唔會再有海龜醒咗會落水(未醒果啲就會先收起等黃昏先再放，因為清晨同黃昏會令佢哋嘅存活機會增加)，所以我哋就好堅持咁等落去。由二、三十人到只係淨番5個(當中包括我哋兩個)，好彩皇天不負有心人，比我哋等到再有海龜起動。

Six Senses Laamu對環境嘅保育一啲都唔馬虎，每晚都會有職員巡視海龜登陸產卵，如有發現就會安排職員輪流檢查及記錄海龜蛋情況，就算小海龜存活率少於百份之一，但佢哋都會盡心盡力去保育。👍

當夢想變成真 @SixSensesLaamu

吃、喝、玩、樂 @ Six Senses Laamu Part 1

吃、喝、玩、樂 @ Six Senses Laamu Part 3

吃、喝、玩、樂 @ Six Senses Laamu Part 4

吃、喝、玩、樂 @ Six Senses Laamu Part 5

🌻喜歡請比👍Like👍

🌻歡迎各位分享、讚好及訂閱【王家飯館】的網頁、Facebook、Instagram、YouTube