Butcher Cut JA和牛套餐 開箱報告

首輪試伏

首先要同支持"王家飯館"嘅朋友仔講聲唔好意思🙇🙇🙇，咁耐都唔update一次真係唔啱嘅，雖然成年無出Blog但都多咗一萬人瀏覽真心多謝你哋對呢個Blog有興趣及請原諒呢個咁懒嘅Blogger。王家煮人過去一年真係有點小忙，要創業、教班又要研究產品(再加上非常懒，雖然手頭上有一堆片同相，就係唔願郁)，希望你哋仲記得我啦~新嘅一年新開始，請大家繼續指教! (唓!睇下你做得幾耐…)

講番啲牛扒先，以前去開Aeon買啲百幾二百蚊左右嘅牛扒間唔中吓食都唔錯，但裝修完之後換咗另一間就似乎無咩唔同只係價錢多咗大約三分一，而UNY嘅Dry Age係好靚，但又唔會富貴到個個星期都食囉。最後走上網睇下買開芝士果間嘅牛扒點(因為佢啲豬鞍唔錯㗎，下次介紹吓)，但都唔係好啱心水，最後就响Facebook嘅廣告見到Butcher Cut，價錢唔算貴但又未去到笑呵呵咁平，最優惠都算係套餐，見到都有唔少人留言問過幾錢、有無貨…大家都知呢啲留言係可以買嘅，所以我就向谷歌大神請教一下，點知竟然一個留言都搵唔到…無人講?咩料呀!

Butcher Cut嘅選擇唔多來來去去都係得果幾個套餐好似唔係好專門咁，不過呢個價錢可以食到和牛又係一個唔錯嘅選擇喎，之前都有介紹過大家响HKTV MALL用$198就買到200G和牛套餐真係大件又抵食(已經好耐無再見過呢個套餐出現喇)，如果呢間和牛有水準的話都咪話唔抵食。

再戰石垣 Part I 西表島浮潛+夜釣

2019-09-27 & 28 香港 → 石垣 → 西表島

再次光臨，感動萬分

今次旅程遇到好多好人好事，就算遇上颱風都無阻我哋嘅心情，令今次旅程劃上完滿句號。

同上次一樣落機就去碼頭食晏，今次無食漢堡而係走咗去公設市場附近嘅Banana Cafe，其實只係响Family Mart買完帶入西表嘅用品/食品就隨機搵下附近有咩餐廳想食就入去食，午餐有好幾款但我哋都只係要咗三文治，一份煙三文魚忌廉芝士三文治同一份厚切巴馬火腿三文治，套餐配有沙律或湯，我哋就因為行到好熱兩份都要晒沙律，其實都係生菜加啲沙律醋簡單又清新，而三文治就各有風味味道唔錯，唔好問我其他嘢好唔好食，但三文治就不錯吃。

石垣第一旅 ~ Lulaliya 旅館住宿體驗

另類民宿體驗

由西表碼頭入旅館前先去食個晏先，原本諗住去邊銀食碗麵不過咁啱遇上星期日休息，只好四圍搵下有咩想食，星期日好多店舖都唔開最後入咗島料理あちまゆん叫咗個人氣牛肉麵同魚生丼都唔錯，海葡萄只要新鮮就好食，只係杯黑糖鮮奶咖啡味道有點怪，而且糖亦未完全溶解。整體嚟講食物唔錯，由於小店只得一人工作，所以大家等食物要耐心一點。

島料理あちまゆん
地址：〒907-0022 沖縄県石垣市字大川209-3 Kupuna Square 西
電話：+81 90-3790-2039

牛肉麵 ￥780

石垣第一旅 ~ 山ちゃんの部屋試食報告

地道燒肉店

雖然店面唔大但都有中/英文餐牌，仲有唔少本地人嚟食，當日有兩張長枱係公司聯誼場面非常熱烈。用傳統炭火燒烤都唔會差得去邊，而價錢亦相當實惠，之但係通風係一個問題，食完真係一舊烤肉行出門口咁。

石垣第一旅 ~ 石垣屋 炭火燒肉 試食報告

一間裝修充滿日本傳統氣息嘅燒肉店

裝修很有格調又不失傳統風味，重點係唔洗屈住對腳食飯真係好爽。呢間餐廳唔係平價貨但又未去到貴到嚇親人嘅地部。

嚟之前做咗少少資料搜集，唔同人有唔同口味，但大部份都會讚石垣牛壽司，我哋當然唔會放過啦，不過成件牛肉都無火炙過都怕王大少唔多喜歡，而我都覺得微微焦香會令肉味提升，但今次令我有另一番體會。

石垣第一旅 ~ 石田屋鐵板焼Ishida石垣店 試食報告

唔想餐餐食烤肉可以點?

安排行程時發覺好多餐廳都想試但大部份都係燒烤，老實講石垣嘅餐廳種類比沖繩真係少好多，大部份都係居酒屋同炭火燒烤，唔通午餐又燒，晚餐又燒咩?結果去石田屋唔再食佢嘅烤肉，而係試吓鐵板燒。

要食石田屋係要一早訂位，唔識日文都無問題因為上佢哋個網頁訂位係有中文嘅，只要揀啱時間選好餐點就得，所有書信往來都係中文咁就唔洗怕搞錯啦。

跟以往一樣貴價餐廳可以訂午餐就唔會訂晚餐，如果真係好食先再考慮下次食晚餐，呢個都係我一慣嘅做法。午餐都有特別套餐只供午餐時段，價格由¥4,980至¥8,500任君選擇。

石垣第一旅 ~ 石垣牛と海鮮の店 てっぺん 試食報告

值得放响袋嘅餐廳

平實中有驚喜係我對呢間居酒屋嘅結論…講完。

講笑啫，不過都係因為訂咗呢餐而唔可以食我嘅漁獲，好在都無令我哋失望。上網搵唔到可以訂位嘅方案係因為呢間店舖唔覆人嘅，於事就請白金秘事幫手回覆都係話我其實已經訂位，要唔要取消其中一個，我嘅回覆係佢哋都無確認過我嘅訂位，app上長期都係等待確認中，我又點知原來已經訂咗呢？好在白金秘書幫忙確認如果唔係就會多一單訂咗位又唔出現嘅個案。

石垣第一旅 ~ ひとし本店 試食報告

吞拿魚專門店

上網真係見到好多人講ひとし石敢當店好好食，不過好難訂位就連用白金秘書都訂唔到位，這個我當然明白啦，因為我都係訂唔到果位。

由於節目調動關係就想學人試下可唔可以Walk-in都食到，但係再睇下手頭上嘅資料顯示星期日係休息嘅…咁不如試下去ひとし本店啦，反正碰吓運氣同埋都係一個體驗。

石垣第一旅 ~ 新派石垣牛漢堡 Vanilla-Deli 試食報告

新派石垣牛漢堡

第一次嚟石垣少不免會跟一啲網上資訊去搵嘢食，我都唔例外咁要去試吓石垣牛漢堡包，本來係想試吓碼頭對面果間牧場出品，但係去到時見到成座建築物都圍晒似係裝修咁，就只有去遠少少嘅第二選擇。

叫佢做第二選擇唔係因為無咁好食只係距離碼頭比較遠，當初我哋都怕一落機就去西表可能時間上比較緊迫所以首選最近又最簡單快脆嘅食物。但有咗第一次經驗後我知道由落機到攞行李都唔洗30分鐘同之前响網上見到嘅好唔同，就知道有成個鐘頭預多咗。

點解會有咁大分別呢?應該係買咗U-frist同無買嘅分別，我想去翠華食個早餐再慢慢入閘等上機，如果Check-in要排隊等兩個鐘係會令王大少唔耐煩，雖然都梗食咗個職員嘅黑面(都唔明佢已經係坐咗個好舒服嘅崗位客人又唔多無咩做，但幫我哋Check-in時都係黑面無禮貌嘅，唔通呢啲就係佢哋公司嘅標誌?)，買咗又可以坐前啲同行李優先，出機場就會快好多，雖然航班係朝早7:40但我都會好乖咁5點左右就到機場，不過聽人講唔買都係太約30分鐘就出到機場，咁買唔買都係個人喜好。

但經過今次我就知道呢程機唔需要買餐點(第一次搭廉航嘅大鄉里)，開頭係怕太早食早餐會肚餓所以訂咗三文治同熱狗，最起碼唔洗餓鬼咁落機。但係真係食唔落喎，唔係因為唔好食，其實熱咗比你又會有幾難食呢?不過真係唔肚餓要王大少幫手食埋佢。回程都係一樣買咗三文治同熱狗，同樣都係怕回程到港時間係中午1點，返到屋企就唔會再想出去就諗住响飛機食咗就算，同樣地都係食唔落嘅。其實應該買定杯麵响屋企真係想食先食，到最後响飛機都係食咗少少直到晚餐先再食過(又係王大少食埋，我哋都唔想浪費食物)。

講番呢個漢堡包先，由於唔肚餓嘅關係又怕食唔出味道會失望，一般都會點一、兩個招牌食品，最起碼即時知道呢間餐廳我仲會唔會再去。點完餐比埋錢就可以坐定定等食喇，點咗好多人都會點嘅牛油果日本芥辣石垣牛漢堡(¥930)、Mozzarella 芝士石垣牛漢堡(¥1490)。

 牛油果日本芥辣石垣牛漢堡(¥930)要咗個沙律伴碟，淡淡牛油果同日本芥辣嘅香氣配會得宜，正體味道清新又唔會覺得牛肉會過份油膩，都係一個唔錯嘅選擇。

Mozzarella 芝士石垣牛漢堡(¥1490)配薯條，下次可以唔洗再配薯條，本人覺得薯條係有啲失色嘅，但個漢堡就真係不得了，超多嘅芝士再配埋充滿肉汁嘅牛肉實在令人驚喜。

雖然係飽住個肚嚟試，但都無令人覺得係食錯嘅，但係杯熱咖啡就始終唔係我杯茶，下次試下個凍咖啡睇下會唔好好啲。

食完就要向碼頭出發去今次嘅重點之一 ~ 西表島
出發前已經响安栄網上預約船票，一嚟安全感大啲二嚟仲會平少少好似訂咗就會安心啲，不過唔訂都無所謂又唔係真係平好多而且攞飛時都多咗啲手續，訂唔訂都係個人喜好啦~

我哋係攞咗飛先去食嘢，佢哋可以幫忙暫存行李，不過只限一小時，大家要留意呀!

由於之前唔係有太多關於碼頭設施嘅資料，唔清楚可唔可以比錢寄存行李，就算見到碼頭有Locker可以寄存都無辦法要推晒啲行李入島，因為行李無分類又唔想即場表現執行李，不過就真係好麻煩要拎咁多嘢係去，不過下次就知道可以寄存就可以輕鬆跳島喇。

成個碼頭有4個地方放置行李櫃，仲有就找換機方便唔夠零錢嘅朋友，仲有埋英文說明仲要圖文並荗，大家可以放心嚟個輕鬆旅程不過大家要留意最長只可存於4日。

石垣第一旅 ~ 行程簡介
30/5 Day 1：石垣機場 → 石垣碼頭 → Vanilla-Deli → 西表島モンスーン民宿
31/5 Day 2：西表島浮潛 ~ バラス島＆鳩間島一日遊
1/6   Day 3：西表島浮潛 ~ バラス島半日遊
2/6   Day 4：島料理あちまゆん → Lulaliya民宿 → ひとし本店
3/6   Day 5：深潛、浮潛睇魔鬼魚半日遊 → ちねんや～新川店
4/6   Day 6：深潛溫泉海底半日遊 → 石垣牛ケバブ Kaboo →  山ちゃんの部屋
5/6   Day 7：向日葵花田 → 平久保平燈塔 → Seven Colors → 米原海灘 → 石垣屋
6/6   Day 8：石田屋 Ishidaya → ANA International Hotel → China Shadow
7-8/6 Day 9~10：海釣體驗半日遊 → JA ゆらてぃく市場 → 石垣牛と海鮮の店 てっぺん

🌻喜歡請比👍Like👍

🌻歡迎各位分享、讚好及訂閱【王家飯館】的網頁、Facebook、Instagram、YouTube google.com, pub-3073176370794589, DIRECT, f08c47fec0942fa0

名古屋亂食、亂買十天自駕之旅 ~~ 第九、十天

Day 9 ：名古屋

日期：2019-01-25

一朝早就去咗名鐵百貨7樓買家品，今次想入手嘅係暖桌被，雖然係好重但香港真係好難搵到又唔想買國貨，只可以就今次嚟睇吓有無好嘢。買到當然開心啦仲要係買得平先係重點，除咗套被仲買多兩個壓縮袋，不過呢隻唔係電動都要同王大少花咗唔少氣力先放到入喼。

買完嘢就要出發去 今次搵咗呢間海邊濱燒場，除咗可以濱燒之外仲可以堂食海鮮丼。之前上網咗好耐都唔覺有呢間嘅資料，就算有都唔係太詳細膽粗粗就去試下，因為從名古屋過去都係一個鐘左右，朝早去完Outlet過去就啱啱好喇。

呢個門口入去就係一個海鮮市場，入面有海鮮同魚生之外仲有個食堂，唔想食燒烤都可以食海鮮丼，但係一場嚟到當然要試下濱燒啦。市場地方乾淨又多種類，分類清晰又明確，雖然明知係獨市生意及每種類只有一檔但都唔係開天刹價嘅市場，大家只要睇啱心水貨品就可以响市場買完海鮮及魚生再過去濱燒場燒烤而並不另收費。最好嘅係唔需要格價啱價錢就買啦!

魚太郎試食報告

對住個海BBQ

其實未出呢個Post之前已經介紹過幾個朋友去呢個市場，有燒有唔燒，其中一個仲响上機前再走一轉都係為咗將幾條"一夜干"帶返香港，我成日都以為做呢個網誌唔係好多人睇，只係為咗第時要搵返資料會方便啲，搵食譜就即刻搵到自己嘅味道，但原來都可以幫到人，希望繼續可以幫到大家搵到更多好去處。

今次搵咗呢間海邊濱燒場，除咗可以濱燒之外仲可以堂食海鮮丼。之前上網咗好耐都唔覺有呢間嘅資料，就算有都唔係太詳細膽粗粗就去試下，因為從名古屋過去都係一個鐘左右，朝早去完Outlet過去就啱啱好喇。

呢個門口入去就係一個海鮮市場，入面有海鮮同魚生之外仲有個食堂，唔想食燒烤都可以食海鮮丼，但係一場嚟到當然要試下濱燒啦。市場地方乾淨又多種類，分類清晰又明確，雖然明知係獨市生意及每種類只有一檔但都唔係開天刹價嘅市場，大家只要睇啱心水貨品就可以响市場買完海鮮及魚生再過去濱燒場燒烤而並不另收費。最好嘅係唔需要格價啱價錢就買啦!

八坂圓堂試食報告

八坂圓堂、点邑 大比拼

王大少好鍾意食煎炸嘢，上次去京都試過点邑嘅天婦羅已經覺得好好味仲諗諗不忘，今次再嚟京都佢都有再三提我記得要訂位，不過經過一輪爬文後想試試新嘢，記得點邑無得泊車就揀咗八坂圓堂。有時真係唔可以盡信，無留意到去八坂圓堂嘅帖文好多都無去過点邑，呢個係我嘅大意。

上次去點邑無訂位，無得坐响Bar枱睇住師傅烹調，不過去到有位都偷笑。今次訂好位就可以坐到Bar枱，親眼睇住師傅整就好有感覺，咁先算係天婦羅。

名古屋亂食、亂買十天自駕之旅 ~~ 第四天

Day 4：金澤 → 京都

日期：2019-01-20


响附近Starbucks食完早餐就返酒店執埋行李就要出發，因為要揸一個鐘頭車去福井縣嘅越前食蟹。為咗呢一餐都做咗唔少功課，不過資料真係唔多，可能地點比較偏遠令人卻步，的而且確係可以去其他地方都可以食到越前蟹，只係可能價錢會貴少少，但係難得嚟到就算遠都想食到正宗。

前一日响金澤食過加能蟹已經覺得好好味，對越前蟹就更加期待。今次揀咗一間傳統越前蟹店係因為唔想有任何差池令我錯失美味，呢間舖出名係因為佢做溫泉旅館一泊兩食，好多人都會因為呢餐蟹宴而訂房，當然溫泉景真係好靚，但大部份人都會大讚個晚餐。之後就响附近開咗間食蟹專門店同海鮮專賣店，以我分析大家都係賣同一樣嘢，點解會有好食同唔好食嘅分別，好多時關鍵都係買手，呢間旅館有多年入貨經驗先會得到客人欣賞。基於以上原因我就揀咗佢。本來都打算住番晚，不過已經有心儀溫泉酒店安排咗，亦唔想晚晚換酒店咁辛苦，所以最後決定只係食個午餐就算。

かつくら名代豬扒~~試食報告

要食就要出力

放低行李安頓好就要搵嘢食喇，今日因為誤點搞到咁晏先去食飯，好在無訂餐廳咁就唔洗同時間競爭，打算行出去見到咩想食就食，最後都係去咗王大少鐘意嘅炸豬扒。

其實呢間係連鎖店，食物質素同服務都會有定水準，為咗留低旅遊記憶就算所有濕碎事我都會想記低方便下次再有個參考。

三元豬扒定食 ¥2200+稅 (HK$163+稅)
椰菜絲同白飯可以無限添加，唔似一般店舖要問先有，店員會留意你嘅需要問你仲要唔要，配嘅醬汁都係大同小異而味道唔差，炸豬扒肉味香濃入口鬆軟唔黐牙，以呢個質素呢個價錢係唔錯。仲有個新發現係王大少終於唔洗我再幫佢磨芝麻，可能係用得多屋企個磨，而家唔只唔會跳芝麻仲好成功，佢終於大個仔喇，明白到【要食就要出力】呢個道理。

越前蟹の坊

滿心期待

為咗呢一餐都做咗唔少功課，不過資料真係唔多，可能地點比較偏遠令人卻步，的而且確係可以去其他地方都可以食到越前蟹，只係可能價錢會貴少少，但係難得嚟到就算遠都想食到正宗。

前一日响金澤食過加能蟹已經覺得好好味，對越前蟹就更加期待。今次揀咗一間傳統越前蟹店係因為唔想有任何差池令我錯失美味，呢間舖出名係因為佢做溫泉旅館一泊兩食，好多人都會因為呢餐蟹宴而訂房，當然溫泉景真係好靚，但大部份人都會大讚個晚餐。之後就响附近開咗間食蟹專門店同海鮮專賣店，以我分析大家都係賣同一樣嘢，點解會有好食同唔好食嘅分別，好多時關鍵都係買手，呢間旅館有多年入貨經驗先會得到客人欣賞。基於以上原因我就揀咗佢。本來都打算住番晚，不過已經有心儀溫泉酒店安排咗，亦唔想晚晚換酒店咁辛苦，所以最後決定只係食個午餐就算。

名古屋亂食、亂買十天自駕之旅~~第三天

Day 3：金澤

日期：2019-01-19

朝早食過早餐就出發去兼六園，由於酒店近市區大約20分鐘就到，泊好車開始行過去，原本呢個行程都幾期待諗住影雪景，不過到咗金澤後就無咗，點解上次唔去丫！機會真係唔等人，如果上次唔係咁趕就可以見到雪景中嘅兼六園。櫻花未開只係有少少梅花，其實花園係好靚，只係未係我想見到果種。

攞返車就早少少去近江町市場食晏，魚市場都算係近年港人最喜歡嘅行程之一，但眼見好多魚市場越嚟越遊客化就有啲失望，唔再係大家所認識嘅地道、價廉物美、友善、新鮮嘅市場。縱然係咁但係會繼續去…哈哈。

醍庵~試食報告

唔跟劇本的結果

原本定好會去食燒肉，但係果刻又唔太想食，人有時就係咁，行咗個圈都無結果，就去返尋晚食飯果頭睇下，結果就去咗對面果間【醍庵】試下。

有時盲入都要睇彩數，今次運氣唔係太好，只係比佢個香箱蟹吸引就入咗去，地方夠大但唔太乾淨，見到咁嘅環境個心已經涼咗一半，不過餓總係要食，同自己講好又一餐唔好又一餐啦，雖然唔太似我哋嘅作風。

睇到呢度大家都估到個結果係點，但係都會詳細報告。

箔一 東山店

金箔雪糕初體驗

三年前安排得唔夠細心，金澤有好多想去嘅地方都去唔到，所以今次都預留多少少時間响金澤。可以去行吓東茶屋街同食吓指定嘅雪糕。真心果句預咗唔會好似Cremia果隻咁好食，但都想去體驗下好似要食過呢個雪糕先似去過金澤咁。

金箔雪糕¥900(HK$67)
食到成咀都係金箔都幾搞笑，日本嘅軟雪糕都唔會差得去邊，可以睇到製作過程都係賣點，不過我都係最愛Cremia。

市の蔵 (近江町市場)

加能蟹初體驗

魚市場都算係近年港人最喜歡嘅行程之一，但眼見好多魚市場越嚟越遊客化就有啲失望，唔再係大家所認識嘅地道、價廉物美、友善、新鮮嘅市場。縱然係咁但係會繼續去…哈哈。

見到有鰻魚串、即燒海鮮、即開海膽…等等，上次都有試過即燒海鮮有啲伏，海膽同生蠔都只係一般CP值唔高，有啲想食嘅海鮮都只可以坐响路邊食，睇落唔係真係咁想食，其中有間賣游水加能蟹都係買咗再去二樓食，响市場行咗三個圈都唔知想食咩嘅時候，王大少提議上二樓行過圈，搵到一間市の蔵嘅店舖，有熱食、魚生飯同游水加能蟹，就係咁我哋就坐低咗喇。

一入門口就見到個大蟹缸睇見就開心，呢個季節梗係食蟹啦，可以選擇全隻煲熟或者半隻刺身+半隻炭火燒烤，我最鍾意係刺身就梗係揀後者啦。

Menu 入面入好多套餐，要咗個海鮮丼+加能蟹，咁樣就已經夠兩個人食。 

海鮮丼¥2500連稅(HK$185)
有好幾種魚類、少少蟹肉、三文魚子、蝦…等等
新鮮就係好味。無漬物、前菜，只係有一個味噌湯，可能係用蟹做嘅湯，味道唔錯。

ざくろ居酒居

再次回味

今次都係番尋味，搵返三年前呢間又平又好味嘅ざくろ居酒屋，好彩上次有影低張收據，要搵番就容易得多。

响酒店行過去都係5分鐘左右，唔洗揸車王大少就可以同我暢飲喇。上次係盲入今次就訂咗位先，因為上次好晏先去食飯，只係見到邊間想食又有位就入，今次想早少少又咁啱係星期五，唔想去到先知無位，況且响Hot Pepper訂位都好容易。

地址：石川県金沢市堀川新町2-53　セントラルアークビル3Ｆ
電話：050-5845-5090
網址：https://www.zakuro-kanazawa.com/
*有套餐可以選擇可以上網睇下，價錢都好扺

去居酒屋都係有人頭費小食每位¥380連稅(HK$28)，似荼樓飲茶比碟花生收嘅茶芥一樣，呢碟前菜王大少話好好味送酒一流，不過我已經唔記得咗係咩嚟。