值得放响袋嘅餐廳
平實中有驚喜係我對呢間居酒屋嘅結論…講完。呢間居酒居係位於市中心,周圍都有好多間食市,不過就我眼見有好多Walk-in客人都不得要領,亦見到個留位板寫滿晒,可能係星期五嘅關係吧!成間舖頭坐位唔多,我哋被安排在吧枱位(呢個係訂位時已安排好嘅坐位),就因為近門口所以見到好多無訂位嘅客人都摸門釘,但係果時只係6點左右。
呢度係有英文Menu仲有埋圖大家可以放心,只係當日店長推介就只有日文,叫咗又會諗係唔係心目中想要嘅嘢呢?嚟到唔好食咁點算?不過有時估估下都好刺激,撞啱係啱食又好食嘅仲會有雙倍滿足感,呢啲經歷就當係旅行另一體驗。
一間居酒屋係咪用心做事,從前菜就睇到呢個豆腐清淡嫩滑 |
枝豆响居酒屋食係無得輸嘅 |
真鯛刺身係店長推介,¥790就食到如此鮮甜 |
花生豆腐¥450~軟糯感十足,亦好濃花生豆腐香味 |
魚生拼盤¥1390 ~ 每件都新鮮甜美,對我嚟講美中不足係有三文魚啫 |
煎餃子¥390 ~ 日式味道,煎得香脆好味道 |
火炙石垣牛手握壽司¥250/件 ~ 鹽燒及醬燒都好味肉嫩牛味重,個人喜歡鹽燒令肉味更特出 |
鐵板石垣牛雜菜¥990 ~ 味道係好好嘅仲食得出有鑊氣,只係牛肉比較少 |
同勁多人訂位都訂唔都果間比較呢間人坐得舒服啲,兩間食品種類同價錢都差唔多同樣抵食,不過我就覺得呢間嘅火炙石垣牛手握壽司同魚生就呢間好味啲、新鮮啲,食得出用心製作唔係流水作業。仲有一個炸豬手係人氣食品下次一定要試。如果一心諗住食吞拿魚的話就人氣店比較專門及抵食。
石垣牛と海鮮の店
地址:沖繩県不垣市不垣15-4ワコーレKAMIJI 1F
電話:098-088-8581
營業時間:15:00-24:00 (不定休)
*只有30個坐位
再戰石垣 27/9 - 5/10
西表島浮潛、夜釣、波照間島、石垣海釣、米原浮潛Maru 串燒店、はーりー椰子蟹、石垣屋、燒肉金城、十五番地、
一龍居酒屋、Papiru 人氣蛋糕店
西表島モンスーン民宿、Lulaliya民宿、Hotel WBF PORTO Ishigakijima、碼頭租車
石垣第一旅 ~ 行程簡介
30/5 Day 1:石垣機場 → 石垣碼頭 → Vanilla-Deli → 西表島モンスーン民宿
31/5 Day 2:西表島浮潛 ~ バラス島&鳩間島一日遊
1/6 Day 3:西表島浮潛 ~ バラス島半日遊
2/6 Day 4:島料理あちまゆん → Lulaliya民宿 → ひとし本店
3/6 Day 5:深潛、浮潛睇魔鬼魚半日遊 → ちねんや~新川店
4/6 Day 6:深潛溫泉海底半日遊 → 石垣牛ケバブ Kaboo → 山ちゃんの部屋
5/6 Day 7:向日葵花田 → 平久保平燈塔 → Seven Colors → 米原海灘 → 石垣屋
6/6 Day 8:石田屋 Ishidaya → ANA International Hotel → China Shadow
7-8/6 Day 9~10:海釣體驗半日遊 → JA ゆらてぃく市場 → 石垣牛と海鮮の店 てっぺん
🌻歡迎各位分享、讚好及訂閱【王家飯館】的網頁、Facebook、Instagram、YouTube
謝謝你的分享 ~ 請問如果帶小朋友適合嗎? 餐廳是不是沒有禁煙區
回覆刪除你好呀! 記得好似响Facebook係咪答過你呢? 唔緊要…答過都可以再答,可能有其他人都想知呢?(可能得我係咁諗)
回覆刪除呢間係居酒屋嚟一般都比較適合大人多啲,睇見就唔多小朋友。居酒屋係無吸煙區嘅,如果要吸就要出門口嘅指定地方先可以,有小朋友都唔怕會吸到煙味。
不過最好先訂位,因為睇見有幾位客人無訂位而被拒諸門外。