2019-10-04 石垣 → 波照間島
由於今日要一早就去波照間島嘅即日來回旅程，所以前一晚就响便利店買定三文治做早餐，係咪一定要咁早?係呀，每日得三班船來回波照間島，如果天氣唔好就隨時取消。因為打風令行程改完又改，臨走前一日先可以去波照間打過卡咋，為避免最後一班船有咩意外就麻煩嘅關係，同王大少決定會先去個最近碼頭又出名嘅沙灘見識吓食個晏就返市區，起碼了解咗個地型次再去就會安排得好啲，仲可以考慮吓留兩日睇下星星同真正咁四圍行。
| 石垣発 | 波照間発 |
|---|---|
| 08：00 | 10：00 |
| 11：50 | 13：25 |
| 14：30 | 16：20 |
**留意中間果班船係會經大原
如果係大型船會慢啲大約一個半鐘先到，小型船就60-70分鐘左右算經大原都係80分鐘。
你嘅行程定好咗嘅話就最好上網訂定船票，就算好似我哋咁睇天做人當日先買都要早少少去碼頭，因為只有一間船公司有賣船票要留番啲時間排隊呀!
安榮觀光訂票網站
大人(12歲以上)單程船票：¥3610 來回船票：¥6910
小童(6-11歲)單程船票：¥3610 來回船票：¥6910
落船後由碼頭行過去西濱海灘睇Google就話行10分鐘，但係我哋就行咗15分鐘，呢個係0運動嘅人所需嘅時間，因為路程一開始就上一大段上斜路段，所有精力都用盡…行到扯晒蝦。當就到目的地嘅時候會行落一個大灣斜路，波照間藍就會慢慢出現响你睇前，就算扯緊蝦都會加快腳步。
沙灘都唔細加埋無咩人就覺得好舒服，亦唔會好似酒店沙灘咁放滿沙灘椅，但就因為咁無地方遮蔭同要坐沙灘，想坐得舒服啲就帶條大毛巾喇。
未入沙灘前有個地方可以沖身同換衫另一邊係洗手間，方便大家可以玩完用淡水沖身洗腳。後面仲有個小型儲物箱，如果有貴重嘢唔想整濕同整爛都可以放入去，不過見到唔係好多人用，又或者預咗去呢啲地方就唔好帶貴重嘢。
未落水前見到個咁靚嘅海水真係令人興奮，但落水之後又係第二個世界。海底全部都係沙，只有少少白化咗嘅珊瑚同間唔中游過嘅幾條魚仔，而且海底嘅沙因海浪而做成好多高高低低嘅波浪，好似我呢啲唔識游水嘅游游吓隻腳落地先知唔到地都咪話唔驚呀!無留意係因為游得出過你好多嘅企响度啲水都係到心口，又點會諗到唔夠一半路程會突然唔到地…真係嚇死BB。
即時睇片
之後我就只夠膽浸吓水就算，又或者响沙灘同寄居蟹玩，王大少游咗一陣都無咩心機就早啲回程，經過見到有間餐廳(响居酒屋バンブー附近)11點已經有飯食就不如食埋先。
凍咖啡 ¥400 / 凍咖啡加雪糕 ¥500
雖然加雪糕都只係加多100，但王大少都選擇唔要係因為佢要加波照間黑蜜，唔想個雪糕味太重影響到，佢真係好鍾意呢隻黑蜜。
炸雞定食 ¥850
薑汁燒肉定食 ¥850
開頭都以為得三個半鐘會唔會唔夠玩，但最後我哋仲可以响島上食埋午餐先返市區~可能係因為海底無咩嘢睇，但行過啲上去堤壩個景就好鬼正(上去係要啲體力同有啲危險要小心行事)，呢個地方係值得去嘅，下次可以留兩晚住响西濱嘅酒店就可以望住個海放空又唔怕曬，夜晚又可以睇下星星都應該幾寫意。
總結：
1. 有公共沐浴更衣室
2. 附近都有兩、三間小型食市
3. 無遮蔭嘅地方
4. 海底無珊瑚
5. 只有少許魚類
6. 離岸有流要小心
7. 海底全部係沙，但因為海浪令海底出現高高低低，要小心小朋友會踏空
返到民宿沖番個涼仲可以瞓個晏覺先出去食飯，今晚訂咗間串燒店試吓，無咩特別原因要食串燒，只係唔想去咁多日但食嚟食去都係果幾種咪試吓囉。
出去食飯途中見到就快日落再加上今日個天色唔錯，沿岸一帶已經有唔少人停低睇呢個咸蛋黃，王大少決定搵個靚位停埋一邊比我影吓呢個靚景。
搵呢間餐廳無咩特別原因，只係上去Tabelog度亂咁搵出嚟。
焼き鳥ＭＡＲＵ
〒907-0012 沖縄県石垣市美崎町12-1
+81 980-82-5400
星期一至日 18:00–03:00
2. 附近都有兩、三間小型食市
3. 無遮蔭嘅地方
4. 海底無珊瑚
5. 只有少許魚類
6. 離岸有流要小心
7. 海底全部係沙，但因為海浪令海底出現高高低低，要小心小朋友會踏空
返到民宿沖番個涼仲可以瞓個晏覺先出去食飯，今晚訂咗間串燒店試吓，無咩特別原因要食串燒，只係唔想去咁多日但食嚟食去都係果幾種咪試吓囉。
出去食飯途中見到就快日落再加上今日個天色唔錯，沿岸一帶已經有唔少人停低睇呢個咸蛋黃，王大少決定搵個靚位停埋一邊比我影吓呢個靚景。
搵呢間餐廳無咩特別原因，只係上去Tabelog度亂咁搵出嚟。
焼き鳥ＭＡＲＵ
〒907-0012 沖縄県石垣市美崎町12-1
+81 980-82-5400
星期一至日 18:00–03:00
雖然係間好地道嘅小店但都有英文餐牌，唔洗擔心唔知叫咩食好。店舖仲有暢銷排行榜同大字報可以參考吓。
店舖位置唔多全部都係Bar枱，如果人數多就要留意。雖然係炭火串燒但都唔會响啲衫留低好大味道。
呢個係排名第一嘅串燒果然係唔錯，好似好肥咁但食落又唔覺，仲有好香嘅油花味。
呢個係三款生雞肉其中一款，仲要係外面有燒過嘅感覺好似無咁生咁，係老板娘推介我哋試吓嘅。食生雞肉都係第一次，王大少又好似唔係好接受到所以叫咗個唔係全生嘅睇下食唔食得落。
食落又唔覺得有雞味，好似有少少甜嘅魚生咁但又無魚味喎，感覺都幾特別。
味道非常地道而價錢親民，有時唔一定要大魚大肉先得，食咁幾餐石垣牛都可以嚟一餐地道嘢都唔錯，兩條友飲下啤酒慢慢食都幾Chill。
2019-10-04 石垣 → 香港
朝早食埋個早餐就要起程返香港喇，返到香港我又要再掛住呢間民宿嘅早餐喇。
呢間民宿真係好好，除咗早餐好食之外仲好有人情味，其中一位同事好多謝我哋請佢食蛋糕同埋佢有急事要返東京而唔可以同我哋道別就安排另一位同事送呢份禮物比我哋…呢個係住酒店唔會遇到嘅事…
三個月前去過唔代表今次無嘢買，今次仲買到石垣病襟章同埋一種無子嘅木瓜，呢款有好清甜嘅味道但就無夏威夷果隻咁香。
雖然9月份嘅石垣已經寫晒，但5月份果個仲有啲未寫好(睇吓呢個人幾懶丫)，嚟緊會繼續寫落去，同時都可以重溫一下當日點滴。
雖然9月份嘅石垣已經寫晒，但5月份果個仲有啲未寫好(睇吓呢個人幾懶丫)，嚟緊會繼續寫落去，同時都可以重溫一下當日點滴。
唔知幾時先可以再去石垣島呢…希望快啲可以再去見識呢片藍…
今年最重要嘅係仲有190日就係今年嘅大旅行，呢個行程計劃咗成年有多，今年新年前訂好機票同住宿就開始爆發疫情…希望事情快啲完結等我哋可以開開心心去旅行。
再戰石垣 27/9 - 5/10
西表島浮潛、夜釣、波照間島、石垣海釣、米原浮潛Maru 串燒店、はーりー椰子蟹、石垣屋、燒肉金城、十五番地、
一龍居酒屋、Papiru 人氣蛋糕店
西表島モンスーン民宿、Lulaliya民宿、Hotel WBF PORTO Ishigakijima、碼頭租車
石垣第一旅 ~ 行程簡介
30/5 Day 1：石垣機場 → 石垣碼頭 → Vanilla-Deli → 西表島モンスーン民宿
31/5 Day 2：西表島浮潛 ~ バラス島＆鳩間島一日遊
1/6 Day 3：西表島浮潛 ~ バラス島半日遊
2/6 Day 4：島料理あちまゆん → Lulaliya民宿 → ひとし本店
3/6 Day 5：深潛、浮潛睇魔鬼魚半日遊 → ちねんや～新川店
4/6 Day 6：深潛溫泉海底半日遊 → 石垣牛ケバブ Kaboo → 山ちゃんの部屋
5/6 Day 7：向日葵花田 → 平久保平燈塔 → Seven Colors → 米原海灘 → 石垣屋
6/6 Day 8：石田屋 Ishidaya → ANA International Hotel → China Shadow
7-8/6 Day 9~10：海釣體驗半日遊 → JA ゆらてぃく市場 → 石垣牛と海鮮の店 てっぺん
🌻歡迎各位分享、讚好及訂閱【王家飯館】的網頁、Facebook、Instagram、YouTube
沒有留言:
發佈留言