王大少都有新玩具
話說有日王大少問我冰滴咖啡同佢飲開嘅凍咖啡有咩唔同，經過我一輪講解之後佢就知大係大分別，其實佢未問我之前我都有睇過幾款冰滴咖啡壼，只係價錢相差太遠又唔知好唔好用之餘佢係要用磨豆機嘅，咁咪即係又要買多舊嘢放响屋企囉…
其實磨豆機同咖啡壼都有同一個問題，就係價錢相差好遠，平嘅2-3百就有交易，但再上一級就要過千元，所以我一直都只睇唔買，直到王大少問起我先話佢知。佢轉咗飲齋啡之後攞返工飲果隻係即磨咖啡加冰，同冰滴咖啡味道好唔同，既然佢咁想試就買套平嘢嚟滿足下佢啦!
香港可以選擇嘅電動磨豆機唔多，反而手攪就多啲選擇不過試過一次就怕怕，磨一杯都攰何況冰滴咖啡一次要用嘅咖啡豆分量係熱咖啡嘅3倍…我敢講王大少用完一次就唔會再攞出嚟用，就算杯咖啡有幾好飲都係咁話。電動磨豆機反正平價機價錢同功能都差唔多就選擇咗用開嘅品牌~DeLonghi。
唔好同我講用磨杏仁同花生果部研磨機都得，係…我都知係可以，但更加知道咖啡粗幼會影響味道，而唔同嘅沖調方法同嘅咖啡粉粗幼都唔一樣，既然3幾百都有呢啲功能咁就平平哋買部試下啦。
功能簡介
不銹鋼研磨刀將咖啡豆旋轉研磨成粉狀。咖啡入門級的理想之選。功率達170 瓦，設有按壓研磨系統及研磨精細度選擇保養條款
廠方或代理方提供一年香港本地保養和維修
研磨精細度選擇
根據您所選的研磨程度相應的指示燈會亮起有粗糙、中等、細膩三種程度選擇，同時每種研磨程度均配有相應的指示燈，可以好似王大少咁試晒唔同粗幼搵出啱自己口味嘅大小程度。
清潔刷
配有清潔刷，方便清潔咖啡容器
用嚟清潔容器口就可以，如要用嚟掃咖啡粉就太短令操作唔暢順
可拆卸式咖啡豆容器
可以拆得出嚟洗，使用十分方便
入手價： $349
利申：真金白銀買
入手價： $349
利申：真金白銀買
總結
1. 雖然機身係塑膠，但都係DeLonghi咖啡機果種質感唔會太膠
2. PUSH按鈕係有啲難按，但用多幾次就掌握到力度，主要係要用掌心按下就會比較容易
3. 電線大約一呎長，要留意番工作枱插頭同枱面嘅距離
4. 清潔刷設計精美但插入時要多番留意，否則下次拿出來就會開岔
5. 清潔刷用嚟清潔容器口就可以，如要用嚟掃咖啡粉就太短令操作唔暢順
6. 打豆時聲浪唔算大
7. 打一杯30克咖啡豆只係十幾秒
沒有留言:
發佈留言