唔想餐餐食烤肉可以點?
安排行程時發覺好多餐廳都想試但大部份都係燒烤,老實講石垣嘅餐廳種類比沖繩真係少好多,大部份都係居酒屋同炭火燒烤,唔通午餐又燒,晚餐又燒咩?結果去石田屋唔再食佢嘅烤肉,而係試吓鐵板燒。跟以往一樣貴價餐廳可以訂午餐就唔會訂晚餐,如果真係好食先再考慮下次食晚餐,呢個都係我一慣嘅做法。午餐都有特別套餐只供午餐時段,價格由¥4,980至¥8,500任君選擇。
除咗有黑毛和牛、石垣牛仲有神戶牛,呢間餐廳本身係做神戶牛,响神戶同銀座都有店,做到嚟石垣當然有石垣牛啦,而我哋嚟到石垣都當然選石垣牛套餐啦。
入面裝修得幾靚,每個鐵板枱都有房間間隔,我哋張枱只有6個位,而其他房有幾多位就睇唔到喇。一坐低會先見到枱面有條即棄圍巾,其實隔咁遠都唔會彈到,唔似得炭火燒烤咁近,但我哋都有帶上,感覺上氣氛好似好啲咁。
點完飲品就會上前菜,呢個前菜望到都覺得透心涼,由其係响中午時份咁熱嘅天氣睇到呢份前菜都已經降溫。
趁師傅開始處理牛扒時我哋先食個沙律,睇外表就唔錯但味道沒有太大經喜,新鮮就已經係好食,只係我哋都預咗係好食。
每位客人前面都有隻碟,會放咗唔同嘅調味料同炸蒜片王大少最鍾意食炸蒜片,師傅仲幫佢加添咗兩次。唔同嘅食材師傅都會好細心咁介紹唔同嘅調味去配搭,有海鹽、黑胡椒同芥末醬,個人覺得唔加調味都好好味。
最後食個柚子雪糕做甜品同凍咖啡做結尾真係為呢餐劃上完美句號。
網上比錢果陣可能你會諗係咪計錯數,唔好唔記得要加消費稅同服務費(午餐+8% / 晚餐+10%),大家要留意呀!
如果加咗食物或食品,食完就要去埋單,當我哋去到門口等埋單嘅時有兩個香港男入嚟問有無位,當時店員正處到客人結帳,店員都有唔止叫佢哋等一等,但呢兩個人好似聽唔到咁不停問個店員有無8個位,講真句,人哋唔係只做你生意亦唔係人多就要答你先,店員都要先處理好先前一位客人先再服務/服侍你。要8 個位咁多都唔訂位真係好難有位比你,再加上已經到咗最後落單嘅時間又點會放行呢?當我哋等緊升降機嘅時候見到佢哋行番出嚟同門口個女同伴講,個女人就好大聲叫响地面等緊嘅朋友:無位呀!唔洗上嚟喇X3次…唉!明白重要嘅事係要講3次,但點解要大叫呢?
如果大家想幫襯就要留意店舖守則,咁樣大家都會食得開心啲,呢度係度舖希望客人可以配會嘅地方,大家訂位前先去望望 https://ishigaki-ishida.com/attention/?lang=zh-hant
石田屋鐵板燒Ishida石垣店
地址:〒907-0022 沖縄県石垣市大川2 730COURT3F
電話:0980-87-9882
再戰石垣 27/9 - 5/10
西表島浮潛、夜釣、波照間島、石垣海釣、米原浮潛Maru 串燒店、はーりー椰子蟹、石垣屋、燒肉金城、十五番地、
一龍居酒屋、Papiru 人氣蛋糕店
西表島モンスーン民宿、Lulaliya民宿、Hotel WBF PORTO Ishigakijima、碼頭租車
石垣第一旅 ~ 行程簡介
30/5 Day 1:石垣機場 → 石垣碼頭 → Vanilla-Deli → 西表島モンスーン民宿
31/5 Day 2:西表島浮潛 ~ バラス島&鳩間島一日遊
1/6 Day 3:西表島浮潛 ~ バラス島半日遊
2/6 Day 4:島料理あちまゆん → Lulaliya民宿 → ひとし本店
3/6 Day 5:深潛、浮潛睇魔鬼魚半日遊 → ちねんや~新川店
4/6 Day 6:深潛溫泉海底半日遊 → 石垣牛ケバブ Kaboo → 山ちゃんの部屋
5/6 Day 7:向日葵花田 → 平久保平燈塔 → Seven Colors → 米原海灘 → 石垣屋
6/6 Day 8:石田屋 Ishidaya → ANA International Hotel → China Shadow
7-8/6 Day 9~10:海釣體驗半日遊 → JA ゆらてぃく市場 → 石垣牛と海鮮の店 てっぺん
🌻歡迎各位分享、讚好及訂閱【王家飯館】的網頁、Facebook、Instagram、YouTube
沒有留言:
發佈留言