首輪試伏
講番啲牛扒先，以前去開Aeon買啲百幾二百蚊左右嘅牛扒間唔中吓食都唔錯，但裝修完之後換咗另一間就似乎無咩唔同只係價錢多咗大約三分一，而UNY嘅Dry Age係好靚，但又唔會富貴到個個星期都食囉。最後走上網睇下買開芝士果間嘅牛扒點(因為佢啲豬鞍唔錯㗎，下次介紹吓)，但都唔係好啱心水，最後就响Facebook嘅廣告見到Butcher Cut，價錢唔算貴但又未去到笑呵呵咁平，最優惠都算係套餐，見到都有唔少人留言問過幾錢、有無貨…大家都知呢啲留言係可以買嘅，所以我就向谷歌大神請教一下，點知竟然一個留言都搵唔到…無人講?咩料呀!
Butcher Cut嘅選擇唔多來來去去都係得果幾個套餐好似唔係好專門咁，不過呢個價錢可以食到和牛又係一個唔錯嘅選擇喎，之前都有介紹過大家响HKTV MALL用$198就買到200G和牛套餐真係大件又抵食(已經好耐無再見過呢個套餐出現喇)，如果呢間和牛有水準的話都咪話唔抵食。
心目中有兩個套餐都覺得幾好，一個係火鍋片套餐，另一個係和牛扒餐，同王大少商量完就決定試下佢個JA和牛Set ($688)，因為王大少話呢排買唔到心水牛扒已經少咗食西餐喇，而火鍋片响UNY都買到價錢又差唔多，咁又係喎。
响網頁落單後就會有個Email比你提你比錢，可以用ATM/網上/轉數快過數，同大部份網店一樣係whatsapp番張收據就得，原本應該係有Payme，應該係爆咗數而停用。比完錢佢哋會再三核對產品、地址、電話等資料及安排送貨日期，之後仲會有個貨單號碼比你，呢個位佢哋做得幾細心👍，就算係第一次幫趁都可以安心等收貨。
收貨時見到個保溫袋幾小巧精緻，有時去買凍肉都可以用得番又唔會太大個，打開見到呢五塊牛扒睇落都大大件應該唔係伏。
***黑色字為官方網頁提供資訊
日本🇯🇵A4黑毛和牛西冷
(約250-280g)
（產地為：A4熊本牛，A4佐賀牛，A4鹿兒島牛，不定時出不同
）
（產地為：A4熊本牛，A4佐賀牛，A4鹿兒島牛，不定時出不同
我果件係佐賀牛260G(連袋)厚1CM，望落肉色鮮紅油脂分佈平均，但見到有啲一條條紋好似係切肉刀唔乾淨帶咗落去件牛扒度咁，不過呢個小問題，只要解凍後清理一下就好。
（ 每件約280-330g )
我果件係298G(連袋)厚2CM，望落肉色鮮紅油脂分佈平均，西冷應有嘅肥膏佢都有。
1x 美國🇺🇸Prime頂級牛板腱扒
（ 每件約220-250g )
（ 每件約220-250g )
1x 澳洲 PRS 頂級安格斯肉眼
（ 約250 -280g)
（ 約250 -280g)
我果件係306.9G(連袋)厚2CM，望落肉色偏深紅油脂分佈平均，切走部份肥膏。
1x 西班牙 🇪🇸頂級杜洛黑豚豬扒連骨
(每件約130-150g)
(每件約130-150g)
我果件係136.3G(連袋)厚1CM，望落肉色偏淡紅油脂分佈平均，切走大部份肥膏，不過中間有根及連骨只有百幾克。
食後感：
而家全部放咗入冰櫃，擇日開封，敬請留意!
開心事：
呢排咁嘅時勢其實都唔知仲有咩開心事可以講，個個出街都要帶口罩，連Plan咗一年有多嘅冰島之旅都泡湯💸💸💸，不過值得開心嘅係疫苗可以打喇，外國都有唔少成功例子，希望可以快啲推到全世界，咁大家就可以再去旅行喇!
由於唔可以飛王大少學人去Staycation响半島玩咗一晚，不過就😑😑😑，遲啲再同大家分享。
🌻喜歡請比👍Like👍（多謝咗先，我會繼續💪）
🌻歡迎各位分享、讚好及追蹤【王家飯館】的網頁、Facebook、Instagram、YouTube
沒有留言:
發佈留言