點樣除蟎呢?
首先要講講點解要選呢部機，留意番我唔係用買…係因為部機係用就嚟到期嘅里數換番嚟，當大家都要安坐家中無得飛嘅時候，計劃好嘅行程就要取消連換機票都可以慳番…就嚟到期嘅里數點算好?只可以上網睇下可以換到啲咩再作打算~
我只有14000里數到期，雖然用多啲里數可以換其他但都係無咩心水，响有限選擇之下只好搵啲有用途嘅用品，除蟎機械人都算係其中之一。用咗14530里數換番嚟嘅機械人到底好唔好用?上網換完只要兩個星期左右就送到上門，仲唔洗加任何費用。
產品功能
智能機械人 – 有效殺死99.99％細菌輕便易用 – 隨便打開外遊、家用
智能探路，18個傳感器 – 自動清潔不墮地
智能感應，重物壓身依然可以前進
智能運動，粗糙的毛毯一樣可以如履平地
3段模式 – 適用於不同用品
2米的床只需要30分鐘便可以清理乾淨
充滿一次電可以使用約2小時，即可以清理4張2米的床
額外的移動電源 – 附設便攜式充電器
30-60 分鐘自動清潔 – 4種方向放心使用
安全模式 – 僅於全密封情況亮起上排UV-C光
通過多項實驗證明其效能
隨身攜帶 – 有助於防止空氣傳播病毒的傳播
產品規格
🔹產品尺寸: 16*16*5cm🔹淨重: 390g
🔹電池容量: 4800mAh
睇到以上嘅介紹都咪話唔心郁，雖然見到認證嘅地方係廣州發出心裡都有少少疑問，但都想試吓係咪真係有用…到貨就即刻要試。打開盒就見到本有中文嘅說明書內容簡單只得4頁，操作項目只有6點，當中就只有3點是簡介功能…其實都預咗~
叉電線係收藏响機身入面，打開個把手蓋見到部機有啲污穢同埋都唔容易打開，心諗今次係咪伏咗呢?唔緊要，都已經成為事實，叉好電試機再睇下點~
叉好電就即時試用，機身只有一個開關制，所有功能(其實只有3種功能)都係呢個制決定。
再間單啲講即係：
A. 床上自動行走…移除把手蓋放在床上，快速連按開關兩次
B. 手動…蓋上把手蓋後穿上手上再按開關1次
C. 床上自動行走(蓋上被)…移除把手蓋放在床褥同被褥中間後開關長按3秒
總結：
1. 沒有設定停止時間，開啟後要留意返轉頭關機
2. 放响無床單嘅床褥上睇得出唔容易跌落地，但加上床單後就經常跌落地。
3. 遇到少少唔平都會轉彎而且無咩規劃路線，就算30分鐘唔跌落地都唔代表可以行勻整張床
4. 如果係用第3種操作的話會因為蓋上被而寸步難行，試過1分鐘都係响同呎度轉，最後都改為手動
5. 手動比較快捷，成張床都係用咗10分鐘左右，仲肯定係我想要嘅覆蓋範圍
6. 話可以當充電器用，而家啲充電器又輕細，又點會諗住會帶佢响身呢?
7. 有無改善? 用咗3個星期都好似覺得唔明顯，用蒸氣消毒仲見效果
今次呢個係用里數換嘅，出面賣緊5-600左右。
🌻歡迎各位分享、讚好及訂閱【王家飯館】網頁、Facebook、Instagram、YouTube
即時睇片
沒有留言:
發佈留言