箔一 東山店

金箔雪糕初體驗

三年前安排得唔夠細心，金澤有好多想去嘅地方都去唔到，所以今次都預留多少少時間响金澤。可以去行吓東茶屋街同食吓指定嘅雪糕。真心果句預咗唔會好似Cremia果隻咁好食，但都想去體驗下好似要食過呢個雪糕先似去過金澤咁。

金箔雪糕¥900(HK$67)
食到成咀都係金箔都幾搞笑，日本嘅軟雪糕都唔會差得去邊，可以睇到製作過程都係賣點，不過我都係最愛Cremia。

除咗食雪糕仲買咗我最想要嘅食用金箔，其實唔知買嚟做咩，不過就係鍾意。見到有福袋入面都有一個食用金箔，單買一樽要¥1080(HK$80)，而一套福袋¥3800(HK$281)一共有7件貨品。包括：24K金箔紙面膜、24K金箔+金箔精華、手持小鏡、梅子茶、食用金箔、放鹽小碟、面油紙。

食用金箔
除咗福袋果枝仲再買多支，王大少都無反對，點用仲未諗到，買咗先算。

 梅子茶
王大少試咗，不過唔係佢杯茶，甜中有少少鹹，但又無咩梅嘅味道。

放鹽小碟
抽中係桃形狀仲未用，可能會整天婦羅先攞出嚟。

 24K金箔紙膜
試咗，敷完唔會覺得笠黐黐，除咗個紙膜仲有金箔黐响塊面，只要輕輕按摩下就會吸收，皮膚真係幾滑，夜晚搽Cream果陣就最覺。突然覺得自己好高貴，但都只係可以高貴一次…哈哈。

面油紙

呢個都係未用，無意見。不過响現場見到大部份人都係試用呢個產品應該唔差。不過我就用開京都買果隻，用埋再試呢個就有比較。

 Treatment
入面有一枝小小嘅精華同五片金箔，仲未玩不過應該唔難用，因為打開個盒就見到使用方法，等我心情好再試試佢先。

最後一個係手持小鏡，本身已經有用開嘅就無謂開個新，睇下有無朋友想要就送比佢啦，分享地球資源嘛。

整體嚟講日本福袋係抵買嘅，買果時店員仲講到明一定有咁多樣嘢，只係個鹽碟會有唔同款式同埋塊鏡可能係橡筋髮飾之外，其他嘢係無變。入面有兩、三樣你啱用就已經回本，再多兩、三樣合適就已經好抵。

箔一  東山店
地址：金沢市東山1-15-4

名古屋亂食、亂買十天自駕之旅 ~~ 第一天

名古屋亂食、亂買十天自駕之旅 ~~ 第二天
名古屋亂食、亂買十天自駕之旅 ~~ 第三天
名古屋亂食、亂買十天自駕之旅 ~~ 第四天
名古屋亂食、亂買十天自駕之旅 ~~ 第五天
名古屋亂食、亂買十天自駕之旅 ~~ 第六天
名古屋亂食、亂買十天自駕之旅 ~~ 第七天
名古屋亂食、亂買十天自駕之旅 ~~  第八天
名古屋亂食、亂買十天自駕之旅 ~~  第九、十天

Haifu はいふう溫泉酒店 【飲食篇】
Haifu はいふう溫泉酒店 【房間、環境篇】
和菓子工作坊初體驗 ~ 生八つ橋
八坂圓堂
かつくら名代豬扒~~試食報告
Hotel Gracery Kyoto Sanjo 試住報告
越前蟹の坊
醍庵試食報告
箔一~東山店
VELICA AVEDA 金沢剪髮體驗
ざくろ居酒居
Hotel Wing International Premium Kanazawa Ekimae (Wing 國際酒店)住宿體驗
飛騨牛食べ処 てんから
玄品雞泡魚專門店
VIA INN Nagoya Ekimae Tsubakicho 名古屋站前樁町住宿體驗
名花之里
漁太郎試食報告

🌻喜歡請比👍Like👍（多謝咗先，我會繼續💪）
🌻歡迎各位分享、讚好及追蹤【王家飯館】的網頁、Facebook、Instagram、YouTube google.com, pub-3073176370794589, DIRECT, f08c47fec0942fa0