名古屋亂食、亂買十天自駕之旅~~第三天

Day 3：金澤

日期：2019-01-19

朝早食過早餐就出發去兼六園，由於酒店近市區大約20分鐘就到，泊好車開始行過去，原本呢個行程都幾期待諗住影雪景，不過到咗金澤後就無咗，點解上次唔去丫！機會真係唔等人，如果上次唔係咁趕就可以見到雪景中嘅兼六園。櫻花未開只係有少少梅花，其實花園係好靚，只係未係我想見到果種。

攞返車就早少少去近江町市場食晏，魚市場都算係近年港人最喜歡嘅行程之一，但眼見好多魚市場越嚟越遊客化就有啲失望，唔再係大家所認識嘅地道、價廉物美、友善、新鮮嘅市場。縱然係咁但係會繼續去…哈哈。

見到有鰻魚串、即燒海鮮、即開海膽…等等，上次都有試過即燒海鮮有啲伏，海膽同生蠔都只係一般CP值唔高，有啲想食嘅海鮮都只可以坐响路邊食，睇落唔係真係咁想食，其中有間賣游水加能蟹都係買咗再去二樓食，响市場行咗三個圈都唔知想食咩嘅時候，王大少提議上二樓行過圈，搵到一間市の蔵嘅店舖，有熱食、魚生飯同游水加能蟹，就係咁我哋就坐低咗喇。

一入門口就見到個大蟹缸睇見就開心，呢個季節梗係食蟹啦，可以選擇全隻煲熟或者半隻刺身+半隻炭火燒烤，我最鍾意係刺身就梗係揀後者啦。(想知詳細試食報告同價錢請按我)

食飽咗就去行吓東茶屋街，要消化一下先可以再食下一餐。去東茶屋街主要都係想買食用金箔同食下金箔雪糕打吓咭。

除咗食雪糕仲買咗我最想要嘅食用金箔，其實唔知買嚟做咩，不過就係鍾意。見到有福袋入面都有一個食用金箔，單買一樽要¥1080(HK$80)，而一套福袋¥3800(HK$281)一共有7件貨品。包括：24K金箔紙面膜、24K金箔+金箔精華、手持小鏡、梅子茶、食用金箔、放鹽小碟、面油紙。(想知福袋詳細內容及試用報告請按我)

食完行完就返酒店放低架車休息下，因為晚餐都可以响附近食就算。

因為未諗到食咩，王大少提意超鼓門影下相，因為通次都無去過呢個地標好似無去過金澤咁，又一個旅行打咭必到位。

繼續諗下食咩好，原本定好會去食燒肉，但係果刻又唔太想食，人有時就係咁，行咗個圈都無結果，就去返尋晚食飯果頭睇下，結果就去咗對面果間【醍庵】試下。

有時盲入都要睇彩數，今次運氣唔係太好，只係比佢個香箱蟹吸引就入咗去，地方夠大但唔太乾淨，見到咁嘅環境個心已經涼咗一半，不過餓總係要食，同自己講好又一餐唔好又一餐啦，雖然唔太似我哋嘅作風。

香箱蟹 ¥3000 (HK$222)
最快到係隻蟹，好明顯係一早整好晒，份量雖小但蟹肉甜仲有唔少蟹籽，只係差啲鮮味。(詳細試食報告請按我)

名古屋亂食、亂買十天自駕之旅 ~~ 第一天

名古屋亂食、亂買十天自駕之旅 ~~ 第二天
名古屋亂食、亂買十天自駕之旅 ~~ 第三天
名古屋亂食、亂買十天自駕之旅 ~~ 第四天
名古屋亂食、亂買十天自駕之旅 ~~ 第五天
名古屋亂食、亂買十天自駕之旅 ~~ 第六天
名古屋亂食、亂買十天自駕之旅 ~~ 第七天
名古屋亂食、亂買十天自駕之旅 ~~  第八天
名古屋亂食、亂買十天自駕之旅 ~~  第九、十天

Haifu はいふう溫泉酒店 【飲食篇】
Haifu はいふう溫泉酒店 【房間、環境篇】
和菓子工作坊初體驗 ~ 生八つ橋
八坂圓堂
かつくら名代豬扒~~試食報告
Hotel Gracery Kyoto Sanjo 試住報告
越前蟹の坊
醍庵試食報告
箔一~東山店
VELICA AVEDA 金沢剪髮體驗
ざくろ居酒居
Hotel Wing International Premium Kanazawa Ekimae (Wing 國際酒店)住宿體驗
飛騨牛食べ処 てんから
玄品雞泡魚專門店
VIA INN Nagoya Ekimae Tsubakicho 名古屋站前樁町住宿體驗
名花之里
漁太郎試食報告

🌻喜歡請比👍Like👍（多謝咗先，我會繼續💪）
🌻歡迎各位分享、讚好及追蹤【王家飯館】的網頁、Facebook、Instagram、YouTube google.com, pub-3073176370794589, DIRECT, f08c47fec0942fa0