VIA INN Nagoya Ekimae Tsubakicho 名古屋站前樁町住宿體驗

VIA INN Nagoya Ekimae Tsubakicho 名古屋站前樁町

地址：愛知縣名古屋市9-13 Tsubakicho, Nakamura-ku 453-0015
電話：0524515489

房價：
19/1/2019 (星期四) Deluxe Double Room HK$668.45 /晚連稅 【訂房來源：Agoda】
24-25/1/2019 星期五、六) Deluxe Double Room HK$711.89 /晚連稅 【訂房來源：Agoda】
尺寸：19平方米

今次第一、八及九晚入住，考慮到最後要將大量物品放入行李，所以沒有選擇比較少一點的13平方米房間。房間有免費WIFI供應，只要入房後睇下個大電視嘅右下角就會見到密碼。

酒店2018年建成所以感覺很新及光猛，地方可以話係好乾淨，仲有個好大嘅44"電視，不過好似大得有點可怕。房內設備有風筒、毛巾、迷你雪櫃、牙刷、牙膏、梳、剃鬚刀及拖鞋，而洗頭水、護髮素、沖涼液係用POLA嘅。大堂有各式各樣茶包、咖啡、棉花棒可以隨便攞，不過都係果句，用得著先好攞。大堂仲有微波爐可以用，响一個人來人往嘅地方翻熱食物好似有啲奇怪。要留意係無化妝棉供應。

洗手間有浴缸同淋浴，而淋浴嘅設計似日式澡堂，地方夠大唔係一般膠囊合成咁，沖起嚟都好舒服，水力夠猛又夠熱，玩到攰行到腳軟浸個熱水浴都係唔錯嘅選擇。

地點算方便，仲有唔少食市响附近，鍾意食國產牛就方便，只要行一分鐘就到，轉個彎就有幾間地道串燒及滨燒。行10分鐘左右就有千里馬藥房同Big Camera，行多5分鐘就到名鐵百貨同車站。如果係自駕遊要留意泊車係要收 ¥1500/晚，唔係訂房網所講【免費】，仲要記得問大堂職員攞張泊車証(每晚每房可以攞一張，每張只可用一次)，有咗張泊車証先係¥1500/晚，當未入泊車証時泊一晚係要收¥9600(按時收費)。泊車時間只限晚上5點後至第二朝10點前，如果你係好瞓得就要諗下係咪要自駕。又或者係諗住去附近Shopping都要5點後先好泊車返酒店。最好計埋Check-in時間，早咗係唔會有優惠。泊車位大約有15個，如果滿咗只可以去其他地方泊，但收費幾多就唔清楚喇。

可能第一晚入住係星期四，見到好多都係日本人入住，成間酒店好似商務酒店咁，不過到咗星期五、六就好多喼响大堂，仲有好多講普通話嘅人客。Check-out只係將房咭放到大堂部Check-out專用機就可以，當然都可以去櫃檯辦理。酒店大堂及1樓早餐用餐區係要用房咭開升降機先可以上房，仲包埋早餐，以自助型式供應，住咗三日都大概知道會有兩款熱食，一款蛋類及一款腸仔或火腿，蔬菜沙律配日式芝麻醬，幾款迷你小包、蝦丸、豆角，乳酪配果醬或罐頭什果，泡飯、味噌湯、湯烏冬，咖啡、茶、果汁等等，唔算頂呱呱但一啲都唔難食。

另一間同集團叫名古屋新幹線口就响附近，但就係2013年建成，參考圖片時覺得裝修及設備好似無咁新淨，但價錢會比較平。

登記入住/退房時間

最早可辦理入住的時間: 15:00

最早可辦理退房的時間: 10:00

名古屋亂食、亂買十天自駕之旅 ~~ 第一天

名古屋亂食、亂買十天自駕之旅 ~~ 第二天
名古屋亂食、亂買十天自駕之旅 ~~ 第三天
名古屋亂食、亂買十天自駕之旅 ~~ 第四天
名古屋亂食、亂買十天自駕之旅 ~~ 第五天
名古屋亂食、亂買十天自駕之旅 ~~ 第六天
名古屋亂食、亂買十天自駕之旅 ~~ 第七天
名古屋亂食、亂買十天自駕之旅 ~~  第八天
名古屋亂食、亂買十天自駕之旅 ~~  第九、十天

Haifu はいふう溫泉酒店 【飲食篇】
Haifu はいふう溫泉酒店 【房間、環境篇】
和菓子工作坊初體驗 ~ 生八つ橋
八坂圓堂
かつくら名代豬扒~~試食報告
Hotel Gracery Kyoto Sanjo 試住報告
越前蟹の坊
醍庵試食報告
箔一~東山店
VELICA AVEDA 金沢剪髮體驗
ざくろ居酒居
Hotel Wing International Premium Kanazawa Ekimae (Wing 國際酒店)住宿體驗
飛騨牛食べ処 てんから
玄品雞泡魚專門店
VIA INN Nagoya Ekimae Tsubakicho 名古屋站前樁町住宿體驗
名花之里
漁太郎試食報告

🌻喜歡請比👍Like👍（多謝咗先，我會繼續💪）

🌻歡迎各位分享、讚好及追蹤【王家飯館】的網頁、Facebook、Instagram、YouTube