玄品雞泡魚專門店

雞泡魚宴

一早就訂好咗今晚食雞泡魚宴，其實王大少唔食魚嘅，但係上次去大阪黑門市場佢話想試下，可能係睇過杜如風介紹過，但係我諗咗一陣就話下次先啦，結果今次行程就加入呢間專門店，但去之前王大少終於忍唔住問係咪只係得雞泡魚咋，係呀!專門店嘛。原來上次佢只係諗住食少少雞泡魚生試下就算，點知我咁認真搵咗間專門店嚟整蠱佢…

呢間係位於名古屋市中心嘅雞泡魚專門店的確唔錯，訂咗醍醐套餐入面包括有炸物、火鍋、刺身、漬物、雜炊同甜品共六品，原本諗住番酒店前去名鐵地庫買蛋糕做宵夜，但係食完呢個餐已經好飽。

都係用Hot Pepper網上訂位，輸入日期、時間及人數後可以選擇訂邊個餐，可以到時再選擇食邊個餐都可以，今次訂呢個醍醐係入門級，因為唔知王大少係咪全部都食唔到，唔想訂咗個大餐最後要我一個食晒，唔夠飽最多到時再單點其他食物。套餐刺身轉厚切片加¥200+稅。

前菜：涼拌河豚魚皮
魚皮加入蔥花、甘筍茸、白蘿蔔茸及柚子醋
味道非常清新，魚皮爽口但本身無咩味，最主要都係食個汁

河豚生魚薄切片
魚生新鮮有淡淡魚味，但係個汁都係蔥花加柚子醋就好似個前菜咁味，所以只係夾少少蔥花及檸檬汁，清清哋仲有魚味。

香炸河豚
豚肉3件+甜薯2片+小青椒2隻
呢個係王大少最鍾意嘅菜式，魚肉新鮮唔會有腥味，調味適中唔會搶咗魚味，比起魚生仲多一份鮮甜味

河豚火鍋
魚肉大約8件+豆腐+蔬菜
只係用竹筲箕放入紙杯再加多片金屬片，放上電爐就可以煮滾，可能係我見識少，紙火鍋試過，但係用竹筲箕打邊爐都係第一次。
魚肉鮮甜係預計之中，其他配菜都好好味，不過又係配柚子醋汁就好似有啲悶。成個過程會有職員處理，唔太需要自己動手。

河豚泡飯
只係用打完邊爐嘅湯加入飯及雞蛋做蛋花，同樣地成個過程會有職員處理，唔太需要自己動手。味道唔錯蛋花仲好滑。

甜品

合桃雪糕

味道唔錯，我覺得同Movenpick有得比

兩個餐加一杯啤酒一共¥12042連稅(HK$891—每人HK445.5)，算唔上抵但一定好食過非專門店食到嘅雞泡魚。仲有野生雞泡魚可以選擇，不過今次就無試。

除咗名古屋之外仲有其他分店，如果想試吓可以搵下以下網址，睇下就唔就到你嘅行程。

https://www.tettiri.com/

自駕人士可以泊响餐廳附近，有幾個按時收費停車場價錢都差唔多，食完飯轉個彎就攞到車都算方便，不過收費唔便宜，大約兩個小時¥900

名古屋亂食、亂買十天自駕之旅 ~~ 第一天

名古屋亂食、亂買十天自駕之旅 ~~ 第二天
名古屋亂食、亂買十天自駕之旅 ~~ 第三天
名古屋亂食、亂買十天自駕之旅 ~~ 第四天
名古屋亂食、亂買十天自駕之旅 ~~ 第五天
名古屋亂食、亂買十天自駕之旅 ~~ 第六天
名古屋亂食、亂買十天自駕之旅 ~~ 第七天
名古屋亂食、亂買十天自駕之旅 ~~  第八天
名古屋亂食、亂買十天自駕之旅 ~~  第九、十天

Haifu はいふう溫泉酒店 【飲食篇】
Haifu はいふう溫泉酒店 【房間、環境篇】
和菓子工作坊初體驗 ~ 生八つ橋
八坂圓堂
かつくら名代豬扒~~試食報告
Hotel Gracery Kyoto Sanjo 試住報告
越前蟹の坊
醍庵試食報告
箔一~東山店
VELICA AVEDA 金沢剪髮體驗
ざくろ居酒居
Hotel Wing International Premium Kanazawa Ekimae (Wing 國際酒店)住宿體驗
飛騨牛食べ処 てんから
玄品雞泡魚專門店
VIA INN Nagoya Ekimae Tsubakicho 名古屋站前樁町住宿體驗
名花之里
漁太郎試食報告

🌻喜歡請比👍Like👍（多謝咗先，我會繼續💪）

🌻歡迎各位分享、讚好及追蹤【王家飯館】的網頁、Facebook、Instagram、YouTube