Hotel Wing International Premium Kanazawa Ekimae (Wing 國際酒店)住宿體驗

Hotel Wing International Premium Kanazawa Ekimae (Wing 國際酒店)

地址：〒920-0849 石川県金沢市堀川新町８−番13号金沢, 金沢
電話：+81762907776
房價：Double Room HK$393.6 /晚連稅
尺寸：20平方米
入住日期：18-19/01/2019

訂房來源：Agoda

每次去旅行都會選擇一啲平得嚟四正嘅酒店，因為要留番啲銀兩住溫泉酒店嘛。就算要搵平之餘都唔可以太細，又唔可以同人共用洗手間。基於咁多限制可以選擇唔多，好多時都唔想煩上次住過OK嘅都唔諗就BOOK番，不過Confirm機票時已經BOOK唔番上次間酒店，又要再去個酒店海內尋尋覓覓，見到Agoda有個offer又幾抵喎，一晚都係3百幾仲要有20平方米，再睇下啲相見到都唔差，又近上次住果間酒店，咁就唔揸車都可以去番上次間居酒屋啦。行去鼓門都係幾分鐘，如果唔係自駕都好方便。去兼六園、金沢城公園、近江町市場、21世紀美術館都係30分鐘內可到達。

Check-in係响頂樓，响酒店入口可以唔洗拍咭就上到大堂，但係自駕就最好先e-mail比酒店留車位，如果唔係就要好似我咁上去Check-in咗先再落番停車場泊番酒店安排嘅車位。升降機係要拍咭先去到房間樓層，夜晚12點後拍咭都入唔到，要打電話去大堂幫你開門，如果喜歡夜蒲就要留意。

Check-in時會比埋WIFI密碼，而泊車每晚收¥1000/晚，酒店入口隔離就係停車場，大約有15個位。Check-out只要將房咭入落地下升降機旁個箱就可以。Check-out時遇到一件事，當推晒行李入升降機時落咗兩層有班操國語嘅大媽想入，不過小酒店升降機都唔會大，我哋兩個人加兩個喼，最多只可以入多2個人連喼，佢哋有6個人又點會入得到呢？不過佢都都試咗唔同方法試圖迫入嚟，迫到第三個升降機就响，原因係怕無房咭怕搭唔到呢架升降機就出唔番去，最後我忍唔住同佢講：落去係唔洗用咭。聽完我講第三個大媽先肯出番去，提提大家上房先要拍咭，落樓係唔需要嘅。

訂房時註明係20平方米，但入房就一啲都唔覺得咁大，比前一晚住嘅19平方米仲要細。只可以兩邊落床同開喼都有困難，而洗手間亦無前一晚19平方米咁大，佢只係一個比較大嘅膠囊組合洗手間，真係唔知呢20平方米係點計。

地方乾淨，房內設備有電視、風筒、毛巾、迷你雪櫃、牙刷、牙膏、梳、剃鬚刀、化妝棉、棉花棒及拖鞋，而洗頭水、護髮素、沖涼液係用POLA嘅。

房間內仲有部膠囊咖啡機、2個咖啡膠囊及2個綠茶膠囊，試過綠茶唔錯，咖啡就唔係我心水。有圖教你點用非常簡單。

登記入住/退房時間

最早可辦理入住的時間: 15:00

最早可辦理退房的時間: 10:00

名古屋亂食、亂買十天自駕之旅 ~~ 第一天

名古屋亂食、亂買十天自駕之旅 ~~ 第二天
名古屋亂食、亂買十天自駕之旅 ~~ 第三天
名古屋亂食、亂買十天自駕之旅 ~~ 第四天
名古屋亂食、亂買十天自駕之旅 ~~ 第五天
名古屋亂食、亂買十天自駕之旅 ~~ 第六天
名古屋亂食、亂買十天自駕之旅 ~~ 第七天
名古屋亂食、亂買十天自駕之旅 ~~  第八天
名古屋亂食、亂買十天自駕之旅 ~~  第九、十天

Haifu はいふう溫泉酒店 【飲食篇】
Haifu はいふう溫泉酒店 【房間、環境篇】
和菓子工作坊初體驗 ~ 生八つ橋
八坂圓堂
かつくら名代豬扒~~試食報告
Hotel Gracery Kyoto Sanjo 試住報告
越前蟹の坊
醍庵試食報告
箔一~東山店
VELICA AVEDA 金沢剪髮體驗
ざくろ居酒居
Hotel Wing International Premium Kanazawa Ekimae (Wing 國際酒店)住宿體驗
飛騨牛食べ処 てんから
玄品雞泡魚專門店
VIA INN Nagoya Ekimae Tsubakicho 名古屋站前樁町住宿體驗
名花之里
漁太郎試食報告

🌻喜歡請比👍Like👍（多謝咗先，我會繼續💪）

🌻歡迎各位分享、讚好及追蹤【王家飯館】的網頁、Facebook、Instagram、YouTube