飛騨牛食べ処 てんから

番尋味

王大少就想再去食飛驒牛，仲話要去返上次果間，開頭都有啲頭暈，因為上次係臨時改行程去多次白川鄕為咗睇點燈，回程時又因為出到市區會好夜怕會餓死就求其入咗一間食，點知就比我地去咗間好好味嘅隠世小店，原本仲怕王大少會唔開心，話晒都係王大少嘅生日飯，但係佢就怕肚餓多過怕求其，唔想揸兩個鐘頭車先再食。亂入嘅後果係想搵番要睇番3年前嘅相搵下有無蛛絲馬跡可以搵得番呢間小店，不過都係無頭緒，最後問吓王大少有無印象，佢就地圖上身咁上去Google Map跟番當日條路線行，咁都比佢搵得番，上過Tabelog睇下啲相同我果張一樣就更加肯定，而且呢間舖分數唔低。

今次可以番尋味全靠王大少呢個人肉地圖，所以今次獎勵佢叫多一份單點牛肉…真係好好味呀！店舖就响白川鄕不遠，車程大約5分鐘。

店鋪：飛騨牛食べ処 てんから
地點：岐阜縣大野郡白川村296-1
電話：81 5769-6-1661 (日間不設訂位，但可用日文問下晚餐訂位資訊)
網址：http://tenkara.jp/
全店只有6個BAR枱住、3張4枱及4張6人枱
*逄星期二休息，但都會有不定休日，要上網留意番公佈

呢間話明係小店但都有英文Menu，就算唔識日文同英文都可以看圖點菜。大家睇到啲相都知你點嘅菜同現實係一樣，大家可以放心。要留意番午餐時段會有不少當地人食飯，可以嘅話安排午餐時段前後去就多數有位。

我同三年前一樣點咗飛驒牛朴葉味噌和膳¥1000(HK$74)，好鍾意朴葉味道令餸菜多一個層次，不過要等佢熟係要有耐性，可以食住豆腐同味噌湯再慢慢等啲肉熟，好嘢係要等嘅。呢個餐抵食又好味，就算係平餐啲肉都唔係流，肥肉會多少少不過就令到蔬菜同舞茸吸收咗牛脂更好味。味噌唔係我哋嘅大愛，不過都幾好飲，最開心又食到呢個豆腐，唔係絲滑果種但超香豆味。

而王大少又係叫返三年前食過嘅極上飛驒牛肩肉套餐¥4500(HK$333)，當然都係同當年一樣咁好味啦，日本咁多種和牛我哋最鍾意係飛驒牛，鍾意佢唔會過份多油但又好有牛味。除咗有豆腐同味噌湯之外仲有漬物同沙律，而飯就係配上肉絲嘅有味飯，雖然話係肉絲但都好粗又煮得好味，仲可以好似鰻魚三食用茶漬泡飯。三款醬汁係配燒肉嘅，燒汁、柚子醋同胡椒鹽汁(如果我無記錯)梗有一款啱你嘅口味。

另外單點多一份極飛驒牛肩肉¥2900(HK$214.6)，同王大少個套餐一樣嘅，套餐真係抵比多一百左右就多咁多嘢食，不過我想重溫朴葉嘅味道又唔想分薄王大少嘅燒肉…好難揀呀！王大少冷冷咁講咗句：咪單點一個肉囉。睇得出佢唔想分比我！

大家睇番三年前嘅相比較吓係咪一樣…？

三年前同今次食物無走樣價錢都一樣，只係店舖裝修過坐得更舒服。

店鋪旁邊空地有幾個車位可以免費泊車，自駕超方便。

名古屋亂食、亂買十天自駕之旅 ~~ 第一天

名古屋亂食、亂買十天自駕之旅 ~~ 第二天
名古屋亂食、亂買十天自駕之旅 ~~ 第三天
名古屋亂食、亂買十天自駕之旅 ~~ 第四天
名古屋亂食、亂買十天自駕之旅 ~~ 第五天
名古屋亂食、亂買十天自駕之旅 ~~ 第六天
名古屋亂食、亂買十天自駕之旅 ~~ 第七天
名古屋亂食、亂買十天自駕之旅 ~~  第八天
名古屋亂食、亂買十天自駕之旅 ~~  第九、十天

Haifu はいふう溫泉酒店 【飲食篇】
Haifu はいふう溫泉酒店 【房間、環境篇】
和菓子工作坊初體驗 ~ 生八つ橋
八坂圓堂
かつくら名代豬扒~~試食報告
Hotel Gracery Kyoto Sanjo 試住報告
越前蟹の坊
醍庵試食報告
箔一~東山店
VELICA AVEDA 金沢剪髮體驗
ざくろ居酒居
Hotel Wing International Premium Kanazawa Ekimae (Wing 國際酒店)住宿體驗
飛騨牛食べ処 てんから
玄品雞泡魚專門店
VIA INN Nagoya Ekimae Tsubakicho 名古屋站前樁町住宿體驗
名花之里
漁太郎試食報告

🌻喜歡請比👍Like👍（多謝咗先，我會繼續💪）

🌻歡迎各位分享、讚好及追蹤【王家飯館】的網頁、Facebook、Instagram、YouTube