VELICA AVEDA 金沢剪髮體驗

剪頭髮嘅享受

預約咗4點响金澤Velica Aveda剪頭髮，攞咗車就即係過去金澤，自從上次响北海道試過一次之後就想再試，剪得好唔好就睇下你嘅接受程度同要求，我預咗唔係去開果種店舖就唔會用同一把尺去量，最起碼價錢就差至少3倍，又點好意思有同樣要求呢。如果真係對髮型好有要求都可以去做個染髮同洗頭，去見識下享受下人哋貼心又舒服嘅服務。

今次都係搵咗商場鋪，因為王大少唔肯去試就比個地方佢行下，我就可以靜心享受一下。金澤呢間同北海道嘅格局相似，只係比較少型。

入到去先係同髮型師溝通，用好簡單嘅英文就可以溝通，最好係搵定喜歡嘅髮型圖片就最方便，比髮型師睇下就跟到。今次揀咗洗、剪、染，成塊色版比你揀顏色，無色盲就得連講都唔洗。

首先會比杯香草茶同毛巾過你，可能間間唔同，北海道果間就無香草茶，再會問你想飲咩，有咖啡、茶、果汁…等等都係免費，今次我揀咗綠茶，仲會有啲糖同餅比你，好似怕會悶親你同餓親你咁，跟住就會比個咕臣放响你大脾，上次响北海道已經愛上呢個咕臣，不過又唔見有得賣，今次又再出現，仲要係同色同款，唔通日本間間髮型屋都係用呢種咕臣？有無人話我知响邊度有得賣？點解會咁鍾意？放咗上大脾之後就放你對手上去，就度啱啱好玩手機都唔攰，响香港剪就只能放响座扶手，最怕唔少心會掂到幫你吹頭、剪髮果位人兄嘅重要部位，我呢啲見慣世面就無所謂係怕佢會尷尬啫，所以呢個咕臣真係好細心。

跟住就會進行乾剪，唔係係咪日本係咁兩次都係乾剪，剪完先再洗頭，我都係修短幾吋無其他變化，咁就唔怕髮型師唔明白啦，日本髮型師係要考試，所以都唔太擔心。大約15分鐘就剪好咗，跟住就係我最期待嘅洗頭項目。

當你坐低咗就會好似按摩椅咁慢慢躺下，職員仲會幫你冚好毛巾同放張乾嘅紙面膜响你塊面就開始洗頭，佢哋會有規定要洗幾耐，不過我無計過，可以洗到瞓著都唔短時間，坐返埋位又會再嚟一連串按摩，真係好舒服。飲番啖茶就無得頂…咦…仲熱？原來係响我洗頭嘅時候幫我換過杯茶，真係超細心。

染完吹埋就走得，前後用咗個半鐘就搞掂，全套服務¥10700連稅(HK$792)，响香港3倍價錢都無咁嘅服務。

地址：石川県金沢市堀川新町3番1号　金沢フォーラス2F
電話：076-265-3560
網址：http://velica.jp/
預約方法：Hot Pepper Beauty
只要登記成為會員就有全國成千上萬店舖比你揀同預約，除咗剪頭髮，仲有Gel甲、修眉…等等扮靚服務。

名古屋亂食、亂買十天自駕之旅 ~~ 第一天

名古屋亂食、亂買十天自駕之旅 ~~ 第二天
名古屋亂食、亂買十天自駕之旅 ~~ 第三天
名古屋亂食、亂買十天自駕之旅 ~~ 第四天
名古屋亂食、亂買十天自駕之旅 ~~ 第五天
名古屋亂食、亂買十天自駕之旅 ~~ 第六天
名古屋亂食、亂買十天自駕之旅 ~~ 第七天
名古屋亂食、亂買十天自駕之旅 ~~  第八天
名古屋亂食、亂買十天自駕之旅 ~~  第九、十天

Haifu はいふう溫泉酒店 【飲食篇】
Haifu はいふう溫泉酒店 【房間、環境篇】
和菓子工作坊初體驗 ~ 生八つ橋
八坂圓堂
かつくら名代豬扒~~試食報告
Hotel Gracery Kyoto Sanjo 試住報告
越前蟹の坊
醍庵試食報告
箔一~東山店
VELICA AVEDA 金沢剪髮體驗
ざくろ居酒居
Hotel Wing International Premium Kanazawa Ekimae (Wing 國際酒店)住宿體驗
飛騨牛食べ処 てんから
玄品雞泡魚專門店
VIA INN Nagoya Ekimae Tsubakicho 名古屋站前樁町住宿體驗
名花之里
漁太郎試食報告

🌻喜歡請比👍Like👍（多謝咗先，我會繼續💪）
🌻歡迎各位分享、讚好及追蹤【王家飯館】的網頁、Facebook、Instagram、YouTube