VELICA AVEDA 金沢剪髮體驗

剪頭髮嘅享受

預約咗4點响金澤Velica Aveda剪頭髮，攞咗車就即係過去金澤，自從上次响北海道試過一次之後就想再試，剪得好唔好就睇下你嘅接受程度同要求，我預咗唔係去開果種店舖就唔會用同一把尺去量，最起碼價錢就差至少3倍，又點好意思有同樣要求呢。如果真係對髮型好有要求都可以去做個染髮同洗頭，去見識下享受下人哋貼心又舒服嘅服務。

今次都係搵咗商場鋪，因為王大少唔肯去試就比個地方佢行下，我就可以靜心享受一下。金澤呢間同北海道嘅格局相似，只係比較少型。

入到去先係同髮型師溝通，用好簡單嘅英文就可以溝通，最好係搵定喜歡嘅髮型圖片就最方便，比髮型師睇下就跟到。今次揀咗洗、剪、染，成塊色版比你揀顏色，無色盲就得連講都唔洗。