越前蟹の坊

滿心期待

為咗呢一餐都做咗唔少功課，不過資料真係唔多，可能地點比較偏遠令人卻步，的而且確係可以去其他地方都可以食到越前蟹，只係可能價錢會貴少少，但係難得嚟到就算遠都想食到正宗。

前一日响金澤食過加能蟹已經覺得好好味，對越前蟹就更加期待。今次揀咗一間傳統越前蟹店係因為唔想有任何差池令我錯失美味，呢間舖出名係因為佢做溫泉旅館一泊兩食，好多人都會因為呢餐蟹宴而訂房，當然溫泉景真係好靚，但大部份人都會大讚個晚餐。之後就响附近開咗間食蟹專門店同海鮮專賣店，以我分析大家都係賣同一樣嘢，點解會有好食同唔好食嘅分別，好多時關鍵都係買手，呢間旅館有多年入貨經驗先會得到客人欣賞。基於以上原因我就揀咗佢。本來都打算住番晚，不過已經有心儀溫泉酒店安排咗，亦唔想晚晚換酒店咁辛苦，所以最後決定只係食個午餐就算。

早個半月訂位都怕佢無位，因為佢真係好爆，不過機票未搞掂就咩都唔敢訂，一收到機票確認就第一時間send email去問，唔好問我點寫都係用Google翻譯，文法就應該唔啱但睇得佢明又訂到位我唔介意比人笑吓，況且佢哋都知道外國人都唔會刁難你。

同日已經收到回覆話我要嘅時段無位，如果要食就要訂11點果轉，二話不說就更係要啦。王大少都話早少少出門口都無所謂，可能佢見我咁想食唔敢say no…哈哈。

睇過越前蟹の坊嘅網頁，已經諗好咗要食啲咩，只係隻蟹要幾重就一直揸唔定主意，因為相差100g個價錢都差好遠，雖然今年蟹價比上年平咗不過都係決定唔到，大家可能以為王大少唔捨得，其實今次係我。佢仲叫我唔好諗咁多要大果隻就得，只係我要到坐低果刻先有最後答案。

由金澤至福井一直都陰天，十點半就到達餐廳不過就開始落雨，餐廳未開而附近亦無地方好行，只可以响車度等，連餐廳好出名嘅外牆大蟹都無影到。見到有個似來自香港嘅男人响餐廳門口避雨，呢度交通咁唔方便又無揸車都要嚟食，內心多咗份期待。

十點四十五分可以入去等，咁就可以避下雨又唔洗凍住等，呢個時段除咗我哋同另一個疑似香港嚟嘅男人之外全部都係日本人，又係全院滿坐。準時十一點先安排入坐，我哋被安排坐响二人廂房，腳踏嘅地方放咗暖板又真係幾好。

打開個餐牌咩都無睇，只係集中睇越前蟹果兩頁，睇完都係跟番原本嘅選擇叫咗一隻800g越前蟹配蟹喫滿定食、蟹丼一杯、生啤。(如果想知仲有乜嘢食同價錢可以上去專頁睇下)

先嚟係蟹喫滿定食¥1650+稅(HK$122+稅)，前菜豆腐超有豆味又夠滑，魚生三點嘅吞拿魚好肥美，仲要唔係赤身…正!

再嚟就係蟹丼一杯¥9490+稅(HK$702+稅)，有一杯同二杯之分，分別係多一隻香箱蟹杯，因為香箱蟹係食蟹黃而不大少又唔太好，所以只係叫咗一杯試吓，雖然佢食咗都話唔錯，但係唔太鍾愛。香箱蟹係蟹乸蟹黃係固體嘅似咸蛋黃咁又香又甜，蟹乸體型比較細肉比較少，但蟹肉都好鮮甜又多蟹籽，比較起金澤果隻好食得多，而家明白點解要去專門店啦。

飯面舖滿越前蟹肉同蟹膏，蟹肉唔係只係得肉碎，仲有好多條蟹棒，而蟹膏又香又甜每啖飯都啖啖蟹肉同蟹膏，單睇價錢一個蟹丼要成萬，但食落就知貨真價實。 

800g越前蟹¥34800+稅(HK$2575+稅)，一半炭燒一半刺身係我哋嘅心水選擇，見到個刺身雙眼已經發光，係睇得到嘅新鮮，味道就更係唔洗講啦，係我食過最好味嘅。要彈嘅係蟹有8隻腳點解只係用4隻腳個刺身?食完有啲唔夠喉嘅感覺。

最後上埋半隻炭燒，好開心成個蟹蓋同蟹膏都可以獨享，蟹膏燒過更加香甜，而蟹身同蟹腳就燒得啱啱好，唔會同到有燶邊但又有炭火香味，蟹肉部份仍然保留到肉汁一啲都唔乾，炭火燒蟹呢間最到家。

王大少埋完單出嚟都唔覺佢有肉痛嘅表情，兩個都係懷住回味嘅笑容離開餐廳。之前上網爬文全部都話貴都要食一次，而我哋就覺得係物有所值。亦有文章寫過同周邊餐廳差唔多，但價錢平好多，我無試過周邊嘅餐廳所以唔評論，就越前蟹の坊我希望下次有機會再食多次。

地址：福井県坂井市三国町宿1丁目16番 
電話：0776-82-3925
網頁：http://www.bouyourou.co.jp/kaninobou/

*每年越前蟹解禁期响十一月，食晒就無喇。
*每年蟹價都唔同，平定貴真係要睇彩數。

名古屋亂食、亂買十天自駕之旅 ~~ 第一天

名古屋亂食、亂買十天自駕之旅 ~~ 第二天
名古屋亂食、亂買十天自駕之旅 ~~ 第三天
名古屋亂食、亂買十天自駕之旅 ~~ 第四天
名古屋亂食、亂買十天自駕之旅 ~~ 第五天
名古屋亂食、亂買十天自駕之旅 ~~ 第六天
名古屋亂食、亂買十天自駕之旅 ~~ 第七天
名古屋亂食、亂買十天自駕之旅 ~~  第八天
名古屋亂食、亂買十天自駕之旅 ~~  第九、十天

Haifu はいふう溫泉酒店 【飲食篇】
Haifu はいふう溫泉酒店 【房間、環境篇】
和菓子工作坊初體驗 ~ 生八つ橋
八坂圓堂
かつくら名代豬扒~~試食報告
Hotel Gracery Kyoto Sanjo 試住報告
越前蟹の坊
醍庵試食報告
箔一~東山店
VELICA AVEDA 金沢剪髮體驗
ざくろ居酒居
Hotel Wing International Premium Kanazawa Ekimae (Wing 國際酒店)住宿體驗
飛騨牛食べ処 てんから
玄品雞泡魚專門店
VIA INN Nagoya Ekimae Tsubakicho 名古屋站前樁町住宿體驗
名花之里
漁太郎試食報告

🌻喜歡請比👍Like👍（多謝咗先，我會繼續💪）
🌻歡迎各位分享、讚好及追蹤【王家飯館】的網頁、Facebook、Instagram、YouTube google.com, pub-3073176370794589, DIRECT, f08c47fec0942fa0