名古屋亂食、亂買十天自駕之旅 ~~ 第九、十天

Day 9 ：名古屋

日期：2019-01-25

一朝早就去咗名鐵百貨7樓買家品，今次想入手嘅係暖桌被，雖然係好重但香港真係好難搵到又唔想買國貨，只可以就今次嚟睇吓有無好嘢。買到當然開心啦仲要係買得平先係重點，除咗套被仲買多兩個壓縮袋，不過呢隻唔係電動都要同王大少花咗唔少氣力先放到入喼。

買完嘢就要出發去 今次搵咗呢間海邊濱燒場，除咗可以濱燒之外仲可以堂食海鮮丼。之前上網咗好耐都唔覺有呢間嘅資料，就算有都唔係太詳細膽粗粗就去試下，因為從名古屋過去都係一個鐘左右，朝早去完Outlet過去就啱啱好喇。

呢個門口入去就係一個海鮮市場，入面有海鮮同魚生之外仲有個食堂，唔想食燒烤都可以食海鮮丼，但係一場嚟到當然要試下濱燒啦。市場地方乾淨又多種類，分類清晰又明確，雖然明知係獨市生意及每種類只有一檔但都唔係開天刹價嘅市場，大家只要睇啱心水貨品就可以响市場買完海鮮及魚生再過去濱燒場燒烤而並不另收費。最好嘅係唔需要格價啱價錢就買啦!

一套貝類拼盤¥3000，包括有兩隻不知名嘅螺、幾隻蜆、4隻扇貝同10隻蠔。
螺就唔係我哋杯茶，不過其他就非常新鮮同肥美，唔洗加調味都已經好正。

呢隻扇貝雖然燒得過火(王大少要求)但都唔會縮晒水

海蝦¥2000 (10隻)

蝦都有幾幾款比你揀，我哋就揀咗中價果款，因為檔主問過我哋係咪要嚟燒烤所以介紹咗呢款，的確無揀錯蝦味濃又彈牙，蝦頭仲有好多膏。仲有一款係可以生食，不過揀咗濱燒就唔再要刺身喇，如果人多都可以試兩樣試晒。刺身蝦¥1000都有9-10隻，雖然呢種都可以用嚟燒不過建議濱燒唔好太細隻。

去到漁市場就梗係唔少得試吓刺身啦，可以食住刺身等燒烤，今次揀咗墨魚¥500、海膽¥1500、大拖羅¥2950，唔洗我講睇見都知有幾新鮮啦。魚生係要先選好你要嘅肉，職員會幫你切埋唔洗擔心要另外收費。醬油濱燒場有供應但記得買埋日本芥辣(¥10/包)呀!【觀看全文】魚太郎請按我

行程留番兩日响名古屋都係為咗買嘢，食飽就出動喇，先去三井Outlet再去La La Port。
本來一直都話响LC無嘢買唔洗搬鐵返香港，但都係忍唔住買咗呢套咁平嘅套裝，唔係因為價錢平就真係、真係、真係啱用又抵先會買，其他嘢又真係一啲都唔吸引，最後只係買咗兩碗。

再行去Afternoon Tea行過圈，當然又係減價的禍，見到個福袋(¥2400)啱用又平就梗係唔放過。

呢個幾好用，但就唔識點令佢轉囉，唔識用佢嘅精髓唔知算唔算好用呢?

炆嘢就最好用

放碗碟入洗碗機前用一用佢都唔錯，最好係可以放埋入洗碗機洗

成個Outlet都唔係好多嘢啱，王大少想買件恤衫都睇唔啱，佢都係鍾意大阪個Outlet多啲喎。之後就轉移到La La Port，入面有間好大間嘅Muji同Daiso，去到百元店就梗係有排行啦。
响百元店都係買啲王大少便當要用嘅嘢，但响Muji就買到王大少搵咗幾間都搵唔到嘅醃料(¥900)，呢個係佢第一日响名古屋睇電視時無意發現嘅好物，的確係幾方便可以自己醃漬物仲唔怕有防腐劑，但就搵多樣嘢比我做囉…

去shopping係攰過做運動，行完一輪要坐低食杯茶食件餅先得，經過咁多次都無一次認真咁試吓Harbs嘅蛋糕，今次終於有機會喇難得個肚有位。

不過由於時間關係好多款蛋糕都賣完晒求其見到邊件想食就要，最後要咗芝士蛋糕 ¥680、朱古力合桃蛋糕 ¥700、果茶 ¥780、凍咖啡 ¥730

蛋糕係唔錯嘅，果茶同咖啡都幾好，不過下次想食真係要早少少，咁先可以試到佢哋嘅招牌蛋糕。不過未坐低店員就同我哋講每個人有最低消費(一杯飲品或一件蛋糕…好似係咁樣，唔太記得係咪仲有限時)，都明白佢哋點解會咁做，眼見有唔少人都係大包細包、大喼細喼、大人細路坐晒响度，個商場咁大要行都真係可以幾耐，如果個個都叫一杯嘢一班人坐住等的話都幾慘。

就係因為好晏先食蛋糕晚餐都無咩胃口食，又要就番時間要執行李，所以求其响便利店買咗兩個杯麵同手羽先就算。

Day 10：要返香港喇

朝早食完早餐再慢慢執埋最後行李就離開，早少少去機場還車就可以行吓，當然要買蝦片做手信啦，仲去咗矢場とん 矢場豬扒食午餐，不過味道都只係一般，响京都果間仲好食。如果唔係隔離間鰻魚飯無位都唔會想食炸嘢。

我哋都買咗個鰻魚飯、海帶漬鰻魚同鰻魚飯糰返香港，只係因為要上飛機買唔到有汁包裝嘅鰻魚啫。

多謝大家睇咗咁耐都知道我唔係一個勤力嘅人，1月返嚟寫到6月先寫完，嚟緊仲要寫埋個石垣遊記，希望大家繼續支持。

名古屋亂食、亂買十天自駕之旅 ~~ 第一天

名古屋亂食、亂買十天自駕之旅 ~~ 第二天
名古屋亂食、亂買十天自駕之旅 ~~ 第三天
名古屋亂食、亂買十天自駕之旅 ~~ 第四天
名古屋亂食、亂買十天自駕之旅 ~~ 第五天
名古屋亂食、亂買十天自駕之旅 ~~ 第六天
名古屋亂食、亂買十天自駕之旅 ~~ 第七天
名古屋亂食、亂買十天自駕之旅 ~~  第八天
名古屋亂食、亂買十天自駕之旅 ~~  第九、十天

Haifu はいふう溫泉酒店 【飲食篇】
Haifu はいふう溫泉酒店 【房間、環境篇】
和菓子工作坊初體驗 ~ 生八つ橋
八坂圓堂
かつくら名代豬扒~~試食報告
Hotel Gracery Kyoto Sanjo 試住報告
越前蟹の坊
醍庵試食報告
箔一~東山店
VELICA AVEDA 金沢剪髮體驗
ざくろ居酒居
Hotel Wing International Premium Kanazawa Ekimae (Wing 國際酒店)住宿體驗
飛騨牛食べ処 てんから
玄品雞泡魚專門店
VIA INN Nagoya Ekimae Tsubakicho 名古屋站前樁町住宿體驗
名花之里
漁太郎試食報告

🌻喜歡請比👍Like👍（多謝咗先，我會繼續💪）

🌻歡迎各位分享、讚好及追蹤【王家飯館】的網頁、Facebook、Instagram、YouTube

google.com, pub-3073176370794589, DIRECT, f08c47fec0942fa0