魚太郎試食報告

對住個海BBQ

其實未出呢個Post之前已經介紹過幾個朋友去呢個市場，有燒有唔燒，其中一個仲响上機前再走一轉都係為咗將幾條"一夜干"帶返香港，我成日都以為做呢個網誌唔係好多人睇，只係為咗第時要搵返資料會方便啲，搵食譜就即刻搵到自己嘅味道，但原來都可以幫到人，希望繼續可以幫到大家搵到更多好去處。

今次搵咗呢間海邊濱燒場，除咗可以濱燒之外仲可以堂食海鮮丼。之前上網咗好耐都唔覺有呢間嘅資料，就算有都唔係太詳細膽粗粗就去試下，因為從名古屋過去都係一個鐘左右，朝早去完Outlet過去就啱啱好喇。

呢個門口入去就係一個海鮮市場，入面有海鮮同魚生之外仲有個食堂，唔想食燒烤都可以食海鮮丼，但係一場嚟到當然要試下濱燒啦。市場地方乾淨又多種類，分類清晰又明確，雖然明知係獨市生意及每種類只有一檔但都唔係開天刹價嘅市場，大家只要睇啱心水貨品就可以响市場買完海鮮及魚生再過去濱燒場燒烤而並不另收費。最好嘅係唔需要格價啱價錢就買啦!

一套貝類拼盤¥3000，包括有兩隻不知名嘅螺、幾隻蜆、4隻扇貝同10隻蠔。
螺就唔係我哋杯茶，不過其他就非常新鮮同肥美，唔洗加調味都已經好正。

呢隻扇貝雖然燒得過火(王大少要求)但都唔會縮晒水

海蝦¥2000 (10隻)

蝦都有幾幾款比你揀，我哋就揀咗中價果款，因為檔主問過我哋係咪要嚟燒烤所以介紹咗呢款，的確無揀錯蝦味濃又彈牙，蝦頭仲有好多膏。仲有一款係可以生食，不過揀咗濱燒就唔再要刺身喇，如果人多都可以試兩樣試晒。刺身蝦¥1000都有9-10隻，雖然呢種都可以用嚟燒不過建議濱燒唔好太細隻。

去到漁市場就梗係唔少得試吓刺身啦，可以食住刺身等燒烤，今次揀咗墨魚¥500、海膽¥1500、大拖羅¥2950，唔洗我講睇見都知有幾新鮮啦。魚生係要先選好你要嘅肉，職員會幫你切埋唔洗擔心要另外收費。醬油濱燒場有供應但記得買埋日本芥辣(¥10/包)呀!

買完海鮮行過隔離就係濱燒場入口會有員工幫你打點一切，只需要¥540/人開爐費就包括起爐、調味料、勞工手套(燒好後開蠔同貝類最好用)，木筷子、紙巾、碟等等。你大可以舒舒服服咁望住個海開餐喇!

除咗魚市場可以買到海鮮之外，濱燒場亦有店舖售賣海鮮及肉類，如果人少少就可以去魚市場買完刺身同蝦就過嚟，呢邊嘅貨品係單品，所以價錢一定無响魚市場大批買咁抵，但就可以食多幾種唔同食品。我過到嚟見到都有少少後悔買咗個貝類拼盤，唔係因為唔好食，只係我貪心想試多幾樣啫。

最後買咗少少蔬菜類(牛油粟米¥350/碟、牛油雜菌¥320/碟)同飛驒牛肉腸(¥380/條)，王大少好欣賞呢條腸，食完忍唔住再買多條，真係幾好食又重牛味。

除咗海鮮、肉類仲有水果、凍飲、湯同甜品，真係大人細路都啱食，入口仲有雪糕、雪條賣，不過真係太飽喇下次再試。

唔想自己燒都可以去佢哋嘅屋台，係點就未試過喇，因為我比較鍾意自己燒多啲。食堂賣相都唔錯，而且價錢都唔貴，如果唔打算用咁多時間去燒烤都可以考慮去食堂幫襯吓。

魚太郎
地址：〒470-2414 愛知県知多郡美浜町豊丘原子３２−１
海鮮市場營業時間：8:30〜16:30（星期三16:00まで）
濱燒市場營業時間：
平日：10:00〜16:30（受付：10:00〜14:30）
〈星期三〉10:00〜16:00（14:00受付終了）週末和假期：10:00〜17:00（受付：10:00〜15:00）
市場食堂營業時間：
〈平日〉10:30～16:00 （Last Order 15:00）
〈週末和假期〉10:30～17:00（Last Order 16:30）電話：0569-82-6188 / 0569-82-6212 (濱燒市場訂位)
網址：http://www.uotaro.com/honten/shokudo/index.html

名古屋亂食、亂買十天自駕之旅 ~~ 第一天

名古屋亂食、亂買十天自駕之旅 ~~ 第二天
名古屋亂食、亂買十天自駕之旅 ~~ 第三天
名古屋亂食、亂買十天自駕之旅 ~~ 第四天
名古屋亂食、亂買十天自駕之旅 ~~ 第五天
名古屋亂食、亂買十天自駕之旅 ~~ 第六天
名古屋亂食、亂買十天自駕之旅 ~~ 第七天
名古屋亂食、亂買十天自駕之旅 ~~  第八天
名古屋亂食、亂買十天自駕之旅 ~~  第九、十天

Haifu はいふう溫泉酒店 【飲食篇】
Haifu はいふう溫泉酒店 【房間、環境篇】
和菓子工作坊初體驗 ~ 生八つ橋
八坂圓堂
かつくら名代豬扒~~試食報告
Hotel Gracery Kyoto Sanjo 試住報告
越前蟹の坊
醍庵試食報告
箔一~東山店
VELICA AVEDA 金沢剪髮體驗
ざくろ居酒居
Hotel Wing International Premium Kanazawa Ekimae (Wing 國際酒店)住宿體驗
飛騨牛食べ処 てんから
玄品雞泡魚專門店
VIA INN Nagoya Ekimae Tsubakicho 名古屋站前樁町住宿體驗
名花之里
漁太郎試食報告

🌻喜歡請比👍Like👍（多謝咗先，我會繼續💪）

🌻歡迎各位分享、讚好及追蹤【王家飯館】的網頁、Facebook、Instagram、YouTube

google.com, pub-3073176370794589, DIRECT, f08c47fec0942fa0