王家飯館 Wong's Kitchen: 當夢想變成真 @SixSensesLaamu

一個夢寐以求的旅行

計劃咗好耐(當然諗咗仲耐啦)因為要有一定嘅大假先可以完成呢個夢想!😊😊😊😁😁😁😁

28-9-2017

乘坐CX601班機17:45起飛，到達馬累已經20:45，因為去到時已經係夜晚，所以決定响機場附近Book咗間房第二朝一早先再入島。

响Agoda訂咗H78酒店(HKD655.11/晚連稅，包機場接送及早餐)渡過响馬累嘅第一晚，價錢雖然唔貴不過附近仍有好多起緊既地盤，相信張來唔洗入島都可以平玩馬爾代夫。

呢間酒店包早餐同機場接送，就係睇中咗近機場同包接送先考慮呢間酒店，因為之前都有Blogger講過市區治安唔係幾好，的確响機場有好多本地人四周圍行同四周圍望(除咗手揸名牌等接機之外)，唔係想去多心，但係人在外地都要小心啲好!

到步時見唔到酒店嘅人，於是去咗Information打電話比酒店，唔夠5分鐘已經見到嚟接機嘅人。記得出發前要email酒店confirm吓，見過一啲Blogger去到先知酒店唔記得安排...😖

Check-in時要同酒店講清楚航班資料，就好似我哋咁原本係10:50，但係當晚酒店就Check到航班改咗10:05，如果資訊唔清晰好可能會錯過咗上機時間。

到達酒店已經係晚上10點(即香港時間零晨1點)，沖個涼就快快上床瞓。床舖舒適乾淨，洗手間亦整潔，呢晚算係瞓得唔錯。

酒店旁邊嘅環境

房間雖然細，但勉強都開到喼。不過最好係執喼時安排一吓第一晚要用嘅放埋一齊就方便啲

之前已經同Six Senses Laamu溝通過，知道我哋會响市區留一晚，所以佢哋都好貼心咁安排咗我哋早機入去，咁就真係早機去、晚機返喇!

去到內陸機場就即刻搵Six Senses Laamu專屬櫃檯，核對資料後就會將所有行李掛上行李牌(包括手提行李)，睇到上面寫咗個號碼，唔通呢個就係房號?真係#22?我係咪發夢呀!?

之前同酒店email來回好幾次，除咗要求將房間由Lagoon Water Villa升級為Laamu Water Villa (當然係要比錢啦!)，仲希望酒店可以安排我哋住响Jetty A，當然酒店唔會明確答覆，所以一日未知邊間房一日都未能安心。

因為朝早10點機所以一早就起身食早餐，都係啲簡單嘢但都算OK。雖則明知上機前會入貴賓室等上機，但係見有時間就食埋早餐先去等，好在有食早餐咋，因為去到個貴賓室好多嘢都唔會想食，一嚟唔肚餓，二嚟好多人，唔知係Refill得慢定係多人攞，好多都係空碟，就算想飲杯咖啡都搵唔到杯。(發覺我嘅決定係英明嘅)

好多人都會影呢種相，大家都有相同問題，就係玻璃窗太花，雖然係咁但心情興奮。

當然地嚟一張指定動作啦!

睇過好多Blogger都講過機場好細仲要係無電動輸送帶，今次見到個機場都係細不過就有電動輸送帶嘅!

一出機煬就有專人接待上快艇，心情非常興奮。
好早就已經鎖定咗 Six Senses Laamu，因為好欣賞佢嘅營運理念同對環保嘅熱誠。雖然我唔能夠話係一個百分百環保者，但都會盡量環保~

有追開Six Senses Laamu嘅朋友都知道一上船就會派救生衣、果汁同鞋袋，開船前見到海水係深綠色，但越接近Six Senses Laamu海水就越藍，心情亦隨海水變化而變得興奮。