名花之里（なばなの里）

值得朝聖嘅地方

名花之里（なばなの里）是日本最大型燈飾展，有條星光隧道可以影相打卡。每年十月到翌年5月開放燈飾，平時就只有花展。

園外有個好大嘅免費停車場，入場費¥4600 (連稅) HK$350【平均每人¥2300(HK$175)】，每張入場券包括兩張¥500代用券，可以响園內使用，包括响車仔檔買嘢食同玩機動設施，但我哋就用嚟入溫室參觀。

星光隧道未著燈時情況

呢啲都係櫻花，如果啱季節個景都應該唔錯

周圍都係呢啲花苗，呢個已經算係唔錯有啲花，但係感覺疏疏落落

好難先遇到呢幾棵梅花係有啲花嘅

一月份仲係凍好多花都無開，見到好多花田都只係得幼苗，玫瑰園同某啲主題花園要夏天先會開放，等我哋仲早啲入去諗住有花睇下，原來呢段時間係育苗，行咗陣都係無咩嘢睇就用代用券入去溫室睇下。溫室入場費要¥1000，所以啱啱好用晒啲代用券。

呢個係入門口嘅打咭位

一入去見到嘅畫面都幾震撼成個場都係花，而門口位亦係好多人嘅打咭位，好多人都以為成個場一眼睇晒出口個位置就真係出口，但其實係進入另一個房間，而且仲比第一間房大好多同多品種，咁多種真係唔好問我係咩花，真係會睇到眼花。

呢個畫面係第二間房嘅入口，一開始都有少少失望，覺得好似同頭先間房一樣，但係轉個彎又係呢一景象

臨離開溫室前就會見到呢個池，水係流動令水面上嘅花慢慢飄流

可以試下用低炒避開人羣

星光隧道全長200公尺，但係行落唔覺得咁大，可能係人太多嘅關係，我已經係平人嚟但係都超多人，好辛苦先可以避開人羣影下相，要影張沒有人嘅相真係超難，其實唔趕時間的話可以晏啲先去，不過就會錯過咗開燈前嘅倒數氣氛，日本人真係好投入。

行完第一條隧道出口會見到一個超大LED燈光表演，每場大約7分鐘左右，見到有富士山做主題嘅四季轉換，表演住前面仲有好多支LED燈花園，睇落好浪漫。

如果用手機影就好難影得晒成個LED SHOW，而且顔色都一般

 

睇完燈影表演就會經過另一條星光隧道，無第一條咁長但就會慢慢變色。

其中一個色係綠色，但影相就真係麻麻

沿途見到呢個指示牌，如果夏天嚟無燈睇都可以睇花

這個水上LED燈光裝置是日本最大規模的光之大河。

名花之里
地址：〒511-1144三重県桑名市長島町駒江漆畑270
電話：TEL：0594-41-0787 （9:00～21:00）
入場費：大人、中學生、小學生¥2300 (¥1000現金券回贈) 小學生以下免費
網址：http://www.nagashimaresort.jp/nabana/index.html

要留意燈裝置開放時間為10月到翌年5月，中間亦有休館時間，但實質開放日期每年唔同，可以到網址睇睇 http://www.nagashimaresort.jp/nabana/illumination/fee/index.html

場內有餐廳、溫泉、機動設施、溫室…等等，都有不同收費，更有些餐廳只要訂餐便送入場費，大家可以上網址睇睇，好好計劃行程。

名古屋亂食、亂買十天自駕之旅 ~~ 第一天

名古屋亂食、亂買十天自駕之旅 ~~ 第二天
名古屋亂食、亂買十天自駕之旅 ~~ 第三天
名古屋亂食、亂買十天自駕之旅 ~~ 第四天
名古屋亂食、亂買十天自駕之旅 ~~ 第五天
名古屋亂食、亂買十天自駕之旅 ~~ 第六天
名古屋亂食、亂買十天自駕之旅 ~~ 第七天
名古屋亂食、亂買十天自駕之旅 ~~  第八天
名古屋亂食、亂買十天自駕之旅 ~~  第九、十天

Haifu はいふう溫泉酒店 【飲食篇】
Haifu はいふう溫泉酒店 【房間、環境篇】
和菓子工作坊初體驗 ~ 生八つ橋
八坂圓堂
かつくら名代豬扒~~試食報告
Hotel Gracery Kyoto Sanjo 試住報告
越前蟹の坊
醍庵試食報告
箔一~東山店
VELICA AVEDA 金沢剪髮體驗
ざくろ居酒居
Hotel Wing International Premium Kanazawa Ekimae (Wing 國際酒店)住宿體驗
飛騨牛食べ処 てんから
玄品雞泡魚專門店
VIA INN Nagoya Ekimae Tsubakicho 名古屋站前樁町住宿體驗
名花之里
漁太郎試食報告

🌻喜歡請比👍Like👍（多謝咗先，我會繼續💪）

🌻歡迎各位分享、讚好及追蹤【王家飯館】的網頁、Facebook、Instagram、YouTube