王家飯館 Wong's Kitchen

線條之育成~第二日~早餐

上磅…好緊張呀! 輕咗…我真係輕咗!

經過第一日育成感覺良好，唔會覺得餓，所以如果想加入呢個育成計劃嘅朋友們可以放心。
有網友問我點解唔做埋運動，如果一開始減食就做埋運動只會覺得肚餓，到時兩邊都做唔成。我嘅計劃係先要腸胃適應咗食量減少先再做。幾咁大嘅道理，會唔會係我懶呢?

尋日就空肚上磅，今日食完早餐先上磅…好緊張呀!

輕咗，不過唔似王大少第一日已經少咗3磅，我只係輕咗1.8磅，唔緊要今日再努力過，因為食呢個餐嘅朋友一般食完三日都輕咗8磅以上，但每個人嘅體質唔一樣，我無偷食架，不過就買唔到西柚，所以去水比較少。

第二日嘅早餐都係飽肚嘅，隻雞蛋可以隨個人喜好點煮都得，我就炒蛋配多士，加少少黑椒同海鹽就已經好好味，育成又唔一定全部無油、無鹽、無澱粉嘅。

多士/方包 1片
雞蛋 1隻
奇異果 1個

🌻喜歡請比👍Like👍（多謝咗先，我會繼續💪）

🌻歡迎各位分享、讚好及追蹤我的網頁、Facebook、Instagram、YouTube

醬醃枝豆

枝豆多面睇

以前食枝豆都只係會去日本餐廳，試過响屋企學佢咁試做，不過王大少唔係咁鐘意，結果就練成今日嘅我!

用醬油煮其實仲好食、仲入味，就算有時未必買到日本枝豆都可以去街市買毛豆做，方法一樣但價錢不一樣。當然，日本枝豆係甜啲嘅!

材料：
枝豆 150克

調味：
醬油 1湯匙
味醂 1湯匙
水 30毫升

烹調：

枝豆洗淨後切去兩端
小鍋加入調味及枝豆後以中火煮約十分鐘即可

如用急凍枝豆要先解凍及縮短一半烹調時間
做便當怕食用時唔方便可以先去莢都可以，烹調方法相同但調味會將醬油及味醂減至各2茶匙
放便當時應先去掉汁液，否則會過咸

🌻歡迎各位分享、讚好及訂閱【王家飯館】網頁、Facebook、Instagram、YouTube

Rasonic RSB-B2TR 迷你雙層蒸煮盒

迷你雙層蒸煮盒用家首試

朝早煮好王大少嘅便當，當然會留番一份比自己，但係好多時都要開大爐番熱少少嘢，都幾費時失事，飯又唔可以日日咁長時間保溫，所以買呢個蒸煮盒試下，如果好用仲可以比王大少試吓。

和風牛肉漢堡扒

酸酸甜甜，大人細路都鍾意

整好肉丸就幾時想食都可以，朝早只係煮個汁加埋肉丸煮十幾分鐘就食得，如果唔係一次個食晒就按份量煮汁，呢個汁除咗配肉丸外，仲可以配其他肉類，只要切成一口大小放入汁一齊煮就可以，想香口啲就煎一煎先加汁煮都可以。

材料：
牛絞肉 100克
豬絞肉 100克
雞蛋 1隻
甘筍 50克
麵包糠 30克
肉豆蔻少許
菜油 1茶匙

調味：
蕃茄醬 50亳升
白酒 50亳升
中濃醬 25亳升
糖 1湯匙

烹調

甘筍去皮洗淨
煮一鍋水放入甘筍煮7-8分鐘後瀝乾水份，放涼後切成微粒
牛絞肉、豬絞肉、雞蛋、麵包糠、肉豆蔻及甘筍粒充份拌勻後捏成球狀(約12粒)
平底鍋以中火預熱1茶匙油後放入絞肉球煎香兩邊後上碟備用；或噴上油預熱章魚小丸子盤烤至表面香脆
調味放入小鍋中以小火加熱至微微出煙後放入絞肉球煮10-15份鐘即可

肉丸煎烤時可不用全熟，只要表面香脆及定型即可
如不是即日食用，做好的肉丸可放冰箱冷藏到需要時才解凍
可選用全豬用、牛肉，加入雞肉也可

👍歡迎各位分享、讚好及追蹤我的網頁、Facebook、Instagram、YouTube

👍Facebook ：王家飯館

👍Instagram ：王家飯館 Wong's Kitchen

👍個人網頁 (食譜)： alicelalexw.blogspot.com

筑前煮

天氣轉涼要準備熱食了

朝早先煮都無問題，早一晚先切好所有材料，朝早只係放入小鍋煮十幾分鐘就有得食，味道好又健康。

要帶熱飯的話，我會用膳魔師，試過好多個牌子，做法相同但都係呢個最保溫，不過就要分幾個保溫盒就有點麻煩。(純用家分享，不是賣廣告)

筑前煮（日語：筑前煮／ちくぜんに），日文又稱がめ煮（がめに）、炒り鶏（いりどり）、筑前炊き（ちくぜんだき），是九州北部地方（主要是福岡縣舊筑前國區域，有時也泛指福岡縣全縣與佐賀縣）的代表性鄉土料理。(資料源自維基)